الثلاثاء، 31 مارس 2009

الحرية

الحرية هى أن نصبح أحراراً فى زمن العبودية أن نصبح أنصاراً فى زمن الجاهليه أن نصبح اوتاراً فى قيثارة الإنسانية أن نعزف ألحانا فى الدنيا المادية أن نصبح نغمات حانية ورؤى وردية ان نحارب الجهل فى زمن الوجودية

الأربعاء، 4 مارس 2009

معلش ياجماعه الزمالك تانى

جلست اليوم اطالع ماكتبته جريده المصرى اليوم عن فوز الزمالك وذهبت لقراءة تعليقات القراء وقرأت تعليق من بينهم واحد اهلاوى طبعا مع احترامى للاهلويه المخلصين المحترمين لكن لقيته بيقول ال ايه بناء على تعليمات السيد جمال مبارك فالزمالك كسب بالكوسه ال الحكم جاملهم والجون اوفصايد حتى انور سلامه واخد تعليمات يخسر وال ايه ان الزمالك كان المفروض ينزل درجة تانيه من يوم ماانسحب من ماتش الاهلى وقد اعددت ردا على هذا الكلام وارسلته الى جريده المصرى كتعليق وانا عارف انه مش حيتنشر فقلت على ايه انشره فى ملكى اللى هى مدونتى واليكم التعليق:
أولا احب ان اهنئ نادى الزمالك كمؤسسة اولا وثانيا لا كلاعبين على الفوز وكذلك على مجموعه الصاعدين الواعدين ان شاء الله تعالى وقبل ان ارد على الزميل احب ان اتوجه ايضا الى عبد الحليم على كفاية ياعبده لازم تلعب وبطل من كل لمسه تبص للحكم ركز فى اللعب
اما موضوع الاخ صاحب رساله ان الزمالك كسب بالكوسه فارجو منك ان تراجع الماضى البعيد والقريب واليك الحكاية :

أولا الاهلى انسحب قبل الزمالك فى مباراه المحله منذ عشر مواسم وكان يستحق النزول درجة تانيه برضه ( لانه لامؤاخذه يعنى قانون زى انت مابتقول ) والفريق ساعتها لو كان نزل تطبيقا للقانون مكنش طلع تانى لان النادى فى الفترة دى كان شاخ قبل مايعدلوا قانون الكورة واللوائح علشان الأهلى يشترى اللعيبه اللى عايزها بالترغيب والترهيب علشان ياخد الدورى.
دلونى على لاعب من الاهلى كان من ناشئ الاهلى اليوم مفيش كله على الجاهز من نجوم الإسماعيلى والزمالك والترسانه والمحلة وفلسطين وتونس ودمياط سابقا يعنى تشكيله .
طيب ضربات الجزاء المحسوبة للاهلى والاهداف الملغاه له من خصومه دى مش كوسه، يعنى لما نادى يتفق مع لاعب ويجرى الاهلى يغريه هى دى المبادئ لما لاعبه الانجولى فلافيو مع احترامى طبعا لموهبته الفذه يشوح للحكام اكتر مابيلعب والحكم حتى مايبصلوش دا لو فى اوربا كان تم منعه اصلا من ممارسه كره القدم لسوء السلوك هى دى مش كوسه .
ضربات جزاء للأهلى فى اول دقيقه من مباريات كثيره يعنى الحكام يقولوا نحسم بقى الدورى بسرعه ياللاه بلا فلقه اسماعيلى ايه اللى عايز ينافس الاهلى دى برضه مش كوسه .
طيب ندخل فى حساسية اكبر ماشى طالما انت اللى بدات ميزانيه الاهلى على كل الالعاب اللى تتجاوز النصف مليار منين ؟؟؟ معلش قوليلى هى موارد الاهلى كام اعمالا لمبادئ الشفافية ؟ طيب بيدفع الفلوس بنتظام مرتبات وعقود ومكافات وخلافه بانتظام اكتر من الحكومه نفسها منين ؟؟؟؟ والنبى بس حد يريح قلبى
طيب بلاش دى ايه اخر اخبار قضية مؤسسه الاهرام اللى يعنى نقول رئيس مجلس ادارة الاهلى جابو سيرته فيها انا لااتهم لاسمح الله انا بس بذكر
انا عارف ان التعليق مش حيتنشر بس من غيظى
ياراجل اللى بيته من ازاز ميحدفش الناس بالطوب

اصدقائى الاعزاء

شكرا لزيارتكم لمدونتى تمنياتى ان تحوز إعجابكم دائما واتمنى المزيد من تعليقاتكم سواء من يتفق معى فى الرأى أو يختلف وطبقا للمقولة المشهورة شكرا لمن قال نعم وشكرررررررا لمن قال لا ( والحدق يفهم )