الاثنين، 4 أكتوبر 2010

بدون عنوان

طبعا انا زهقت من الكتابة عن مايحدث فينا فى كل مباراه لكرة القدم بيننا وبين اى فريق عربى مره نضرب فى بلدهم ومرة فى السودان والأنكى اننا نتضرب فى بلدنا والأمن بيتفرج اعمالا لمقوله اسد على وعلى الغريب فراشة مش حتى قطه لاننا محصلناش القطه ودا بيفكرنى بمقولة الفنان عادل امام قعد يقلع هدومه واحنا قاعدين بس بقى الأية اتقلبت واصبح العرب هم من يقلعونا هدومنا واحنا ساكتين !!! انا لو بصراحة مكان اى راجل اهلاوى ولو انى مبحبش النادى الاهلى لكنت نزلت ضرب واجرت شوية بلطجية من بتوع الإنتخابات ونزلت ضرب وتقطيع وتقتيل فى هذه الزمره القذرة وبلاها كاس افريقيا او كاس العالم اللى حيخلينا يتمسح بكرامتنا الأرض ببلاش وكنت بجد روحتهم مكسوحين على نقالات ومش عايز كاس افريقيا ياسيدى طز فى افريقيا كلها لو حتيجى على كرامتى .
سؤال اخير بمناسبة لقاء السيد رئيس الجمهورية بالمثقفين الا هو تعريف المثقف ايه فى بلدنا ؟؟؟؟

هناك 4 تعليقات:

AM.SA.CHANNEL يقول...

خذ نفس عميق ... مالك و مال الكـــورة .. هم دايما كده.. و المشكلة في الكورة دلوقتي بتعملة فتن بين الدول .. شوف اللي حصل بين نادي في الإمارات و نادي قطري .
و أكبر دليل بينكم و بين الجزائرييية ...

شوف لو إنضربوا الاعبين المصريين في دولة تانيه حيصل فيك نفس اللي حصل معاك دلوقتي في داخل مصر .. !!

ف عشان كده بقولك .. رووح بعيد عن طز بيييييييييهم ..


إشربلك حاجة تريح بيها أعصــــــابك و الله نحنا مش حايجينا المرض إلى من الكوورة و الحكوومة هههههه صحتك فوق كل حاجة...

و عن حسني مبارك ما بعرفش حاجه عن الموضوع ده ؟ بس حاجة غريبة إنو حيقابل المثقفين؟

Hesham يقول...

الى AM
اولا اشكرك على الرد وخصوصا موضوع الحاجة الساقعة اللى تريح الأعصاب نصيحة جيدة وفى وقتها
ثانيا انا طرحت السؤال عن المقصود بمن هم المثقفين لانى بصراحة مش عارف
على فكرة انا حكون فى دبى لمدة 12 ساعة ترانزيت عند عودتى من كوريا هل ممكن تنصحينى اعمل ايه فى الوقت دا فى المطار هناك ؟
اشكرك على المعاونه

Unknown يقول...

انا لا من مشجعي الزمالك ولا الأهلي ولا أي حاجة خالص ، بس انا رأيي يقفلوا الرحلات الجوية بين البلدين لمدة كام ساعة عبال الماتش ما يخلص ، و كل واحد يتفرج ف بلده و يتخانق ف بلده و كل واحد حر ف بلده :)

nor يقول...

مليش في الكورة فمش هعلق
بالنسبه لتعريف المثق في بلدنا المحبوب .....هو اللي بيعرف يثقف "بالسين" كويس بايديه في اللقاءات المهمه
تحياتي

اصدقائى الاعزاء

شكرا لزيارتكم لمدونتى تمنياتى ان تحوز إعجابكم دائما واتمنى المزيد من تعليقاتكم سواء من يتفق معى فى الرأى أو يختلف وطبقا للمقولة المشهورة شكرا لمن قال نعم وشكرررررررا لمن قال لا ( والحدق يفهم )