اليوم ياأصدقائى يبدأ تحديد مصير السودان الشقيق اليوم فقط سيبدأ تنفيذ المخطط التقليدى ولعبة البينج بونج فاكرين زمان أما قالوا لنا ان الإستعمار هو من خطط الحدود علشان يفرق بين الدول العربية تحت ستار كل واحد يعرف حدوده أهو اليوم بدأ استرجاع اللعبة مرة أخرى وحيفكوا الحدود الى حدودين يعنى النهاردة السودان حيبقى سودانين ( يارب خيب ظنهم ) وبكرة طبعا العراق حيبقى ثلاث عراقين وبالطبع من زمان الشام بقى سوريا ولبنان والأردن وبعدين المغرب حيبقى مغربين عربى وبوليساريو والدور جاى على مصر يعنى اللى عملوا مينا من 7000 سنه يمكن يرجع تانى مصر شمال وجنوب .
المهم بقى دا كله بيحصل وعلى رأى عادل امام فى مسرحية مدرسة المشاغبين - واحنا قاعدين - يعنى جامعة الدول العربية بجلالة قدرها بعد ماتمخضت ارسلت سيارتين اسعاف الى الجنوب شوفوا التضحية والفداء ووفد رايح يشوف نزاهة الإستفتاء - يمكن لأول مرة فى حياتى اتمنى ان يتم تزوير الإستفتاء ليبقى السودان موحدا بس من الواضح انه حيكون انزه استفتاء عرفته الامة العربية فى تاريخها وطبعا احنا رايحين نراقب شوفوا الخيبه .
المخطط يسير بصورة سلسة وزى السكينه فى الزبد تفرقة ثم تكالب على بترول وثروات الجنوب والشمال برضه مفيش مانع وبرضه حيفضلوا فقراء لان الغرب لن يترك لهم شيئا
ياسلام جنوب السودان صمم علم للدولة ونشيد وطنى ويمكن كمان فريق كورة ودورى كورة وبعد كده صدقونى لاشئ بل سيظهر فى القريب العاجل صراع قبلى بين طرفى الجنوب وسيصبح الصراع فى الجنوب السودانى بين الشرق والغرب لتنقسم دولتين كمان كام سنه ومفيش مانع برضه دارفور يستقل والنوبه تنضم لنوبه مصر وتصبح دولة النوبه التى ستسقل عن مصر طبعا شوفوا الدنيا
وكما ان هناك تغيرات مناخية فهناك ايضا تغيرات جغرافيه وللعلم هناك ايضا تغيرات تاريخية لان كل واحد بيفسر التاريخ على مزاجه ومش بعيد يطلع بعد كام سنه حد يقول ان الفراعنه قدموا فى الأصل من الفلبين
هناك 4 تعليقات:
هشام : معنديش تعليق بجد معنديش :((
العزيز هشام: ليس لدي الا القول المأثور أُكلت يوم اٌكل الثور الابيض
فعلا يا استاذ هشام
هو مخطط وللاسف كلنا عارفين كده بس كأننا مشيين ومصرين نكون مغمضين
امجاد يا سودان امجاد والبقيه تأتي
الى منى / غير معروف / نور
انا برضه معنديش تعليق اقوله
إرسال تعليق