اخيرا انتهى عيد الأضحى المبارك كل عام وانتم بخير واللى اكل لحمه ربنا يوفقه واللى مااكلش وهم كثيرون ربنا ينفخ فى صورتهم وياكلوا عموما انا هنا اعرض موقف غريب وعجيب شاهدته بعينى من فترة وراقبته باستمرار ووجدت فيه شئ ان كان غريبا فهو ايجابيا ايضا
كلكم طبعا تعرفوا شارع الكورنيش عند المعادى فى الإشارة التى تلى الجراند كافيه - المهم الإشارة دى فيها تقاطع الغريب بقى ان الذى يسيطرعلى هذا التقاطع ويسير الأمور فيه راجل مجنون - اه والله مجنون - رجل ضخم الجثه عريض المنكبين اشعث اغبر يحمل في يده اليمنى عصا اسود طويل وغليظ - المهم الراجل دا هو من يقوم بتنظيم المرور فى هذا التقاطع والمهم بقى ان الناس بتسمع كلامه وتقف عندما يشير بالتوقف وتسير عند قيامه بالاشاره - طبعا اللى مش مصدقنى يروح ويشوف - المهم كمان طبعا السيارة المخالفه للتعليمات التى يصدرها هذا الرجل يقوم بضرب السيارة بالعصا اللى فى ايده على زجاج السيارة او اى مكان تصل له العصا من العربه وبالتالى من مبدأ اللى خاف سلم الناس كلها بتسمع كلامه لا والاهم ايضا ان سيارات الشرطه نفسها بتسمع كلامه وتقف وتسير طبقا لتوجيهات عصا هذا الرجل .
طيب السؤال هنا طالما ان الناس لاتحترم رجل المرور العادى الغلبان والمرور فى مصر بقى بالقوة ، وطالما ان مثل هذا المريض النفسى الناس بتسمع كلامه - طيب ليه منفكرش نسلم اشارات المرور للمجانين - تجربه يمكن ينصلح حال المرور عندنا
ممكن اسمع اجابات ؟؟؟
وعلى رأى ابو ضحكه جنان - الراحل اسماعيل ياسين -
المجانين فى نعيم
هناك 11 تعليقًا:
هههههههههههه حلوة اوووى تصور فكرة رائعة بس ياريتها جت على كده ده كل اللى بيحكموا مجانين واحنا بنسمع كلامهم هههههههههه هى مجتش على المرور بس يا استاذنا احنا لو امعنا النظر بس هنلاقى المجانين كتير
تحياتى
هههههههههههههه
معقول؟
هو اللى بينظم المرور
فكره كويسه والله
اصلا شوارع مصر فيها اشارات المرور زى عدمها ولا اى حد بيلتزم بيها ولا بالاشاره
محتاجين فعلا حد يخبطهم كده بعصايه
تحياتى لحضرتك
وكل سنه وحضرتك طيب
احمدك يارب أنها مش سكتى أنا بروح المعادى من الناحية الثانية وهو الطريق الذى يتحكم فيه الهاربين من مستشفى المجانين جميعا مع منسقى فورمويلا وان وبالنسبة لى هذا يكفى ولا أرغب فى المزيد
الى مى
والله كلامك على لسانى بس نعمل ايه موضوع المرور مقدور عليه
الى ريمان
مش بقولك المجانين برضه ليهم فايده
الى منى
ويعنى هى الناحيه التانيه مفيهاش مجانين يامنى ؟؟؟؟
ما أنا قلت =الناحية الثانية وهو الطريق الذى يتحكم فيه الهاربين من مستشفى المجانين جميعا مع منسقى فورمويلا !!!! نركز :)
أيتها الزانية أيها الزاني
لوثتما الأرض ولوثتما الجو برائحتكما العفنة في كل مكان, استاءت منكما الأرض وانتفضت وتمنت لو تنشق وتهشمكما حتتاً بين أحجارها من غيرتها على انتهاككما لحرمات الله جل في علاه, تمنى الأوكسجين في الجو أن لا يدخل رئتيكما لتموتا خنقاً مثلما خنقت الأحياء رائحة العفن الخارجة من جرمكما, تمنى الدم الذي يجري في عروقكما أن يغلي ليصلخ لحمكما الغارق في الرذيلة لكي لا تذوقا سوى طعم العذاب
أيتها الزانية, اعلمي انك كلك ملك لله, أنت أسيرة عند الله, الله خلق لك هذا الجسد ونفخ فيه الروح وصوركِ كيفما شاء, وأحياك من بعد ما كنتي شيئاً ليس مذكورا, وأخرجكِ من بطن أمكِ, وأحياكِ إلى هذا العمر, وأطعمكِ وكساكِ وحفظكِ ورعاكِ, جسدك هذا أول ما سيتعفن منه بعد زجك في صندوق عملك (القبر) هو البطن والفرج..سبحان الله هذين الجزأين اللذين يركض بني آدم ليشبعهما في الدنيا هما أول ما سيتعفن بعد موته, فهل تختارين أن تشبعي هذا الجسد بالرذيلة؟!
دماغك الذي يساعدك على الإحساس, و وصلاتك العصبية, خلايا جسمك, كريات دمك البيضاء والحمراء, نسيج لحمك وعظمك, قلبك النابض..كل هذا من الممكن أن يفنى في ثانية أو أقل من الثانية, جسمك الضعيف هذا لا يقوى على شيء, فكيف تضمنين انك لن تموتي وأنتي تمارسين الرذيلة؟!
الى منى
مانا برضه عايز اعرف هو ايه الفورميولا دى ؟؟ دا مرض غير الإيبولا بتاعة الخضار ؟
هشام formula 1 ده سباق سيارات :)))
ضحكتنى وأنبسطت أنى لقيتلك حاجة متعرفهاش :))) أنا بعتلك ايميل أبقى أقراه ورد على فى الاقتراح
اولا انا مبسوط انك ضحكتى لان الضحك بقى غالى اليومين دول بس انا مفيش ايميل جالى ياريت تبعتيه تانى
إرسال تعليق