اصدقائى الأعزاء احييكم من كوريا الجنوبية حيث الساعة الأن الرابعة وعشر دقائق مساء اى التاسعة صباحا فى مصر واول ماافتكر كلمة كوريا افتكر على طول فيلم محمد هنيدى فى عسكر فى المعسكر وصديقة خاله الست كوريا !!! ولكن طبعا مع الفارق فكوريا التى انا فيها بلد جميل لن اتحدث عن النظافة لان كل البلاد التى سافرتها شرقا وغربا وشمالا وجنوبا نظيفة لدرجة انى مش عارف عندنا فى مصر الحكومة هى اللى غلطانة ولا الشعب ولا هى ثقافة نظافة ؟؟؟؟
الشئ الغريب ان كوريا بلد السيارات الدايو لايوجد بها سيارة دايو يعنى بقالى ثلاثة ايام لم ار طيف الدايو ولكن طبعا الهيونداى متوفرة بكثرة ولكن باشكال غير اللى عندنا مش عارف ليه ؟؟؟؟
الشعب الكورى الجنوبى شعب جميل وطيب جدا ومتعاون بشكل كبير وادب جم ولكن الشئ الوحيد الذى فى صالحنا معهم اذا عقدنا مقارنه ان مفيش هنا غير اللغة الكورية صعب جدا ان أحد يتعلم اى لغة اخرى وبالتالى التوهان هنا عجب وطبعا لاعارف اقرأ ولا اتكلم وماشية هنا بالبركة ؟؟
البلد غالية جدا يعنى فى مصر اسعار الألكترونيات عموما ارخص ودا شئ غريب برضه بس مستوى معيشى جامد جدا ودا اللى مخلينى استغرب ازاى كوريا مصفة دوله نامية يعنى احنا والست كوريا نفس المستوى على موائد المفاوضات وهوامش الإجتماعات مش حاجة غريبة برضه !!!!!!!!!!!
طبعا فارق التوقيت يجعل من الصعب النوم ولذلك جفانى النوم على راى الست ام كلثوم
هناك 10 تعليقات:
متسنية بقية المعلومات عن كوريا وعن كل البلاد الى حتزورها - تحياتى وربنا يوفقك فى الرحلة إن شاءالله
ترجع بالسلامه ..اللي بيزعلي يا استاذ هشام اني نفسي بلدنا تبقي نظيفه الشوارع البيوت الناس الهواء اللي يكرمهم نفسي اشم هواء حتي التنفس بقي مستحيل الايام دي التراب و الحرق الارز و المنخفض اللي بيقنعونا بيه ولا عارفه الصيف مش بيخلص مع رطوبه يا ربي و جاي علي الجرح و انا لسه جايه من بره اشبه بمن تمشي في الصحرا و حضرتك تقول نظافه والله عايزة اعيط
ربنا يرجعك بالسلامه وتحكي لنا الباقي تحياتي
ان كانت كوريا بلد الدايو
فمصر بلد ال 128
وان كان شكل العربيات متغير فى كوريا
فمصر بعراقتها قدرت تحافظ على شكل ال 128 من ساعة ما اخترعوها لحد النهاردة وهى هى ما اتغيرتش
شوفت بلدنا ازاى عريقة؟؟؟ !!!
ههههههههه
ترجع بالسلامةان شاء الله
مع خالص تحياتى
ترجع بألف سلامة بإذن الله...
الواحد بردوا مهما كانت بلده منيلة بستين نيلة بيحن للمكان اللي اتعود عليه و عاشره ، يعني مش بيحن للوطن بحاله ، لغة أماكن بقا...
مساء الخير ياصديقى العزيز
احنا غير كوريا احنا اولنا ميم وهما اولهم كاف يعنى قبلنا طبعا احنا وهما مشتركين فى التالت
بس بالصدفة لاننا منبصش لغرينا عشان نتعلم ودى مشكلتنا وحنا عموما تيجى بالسلامة ان شاء الله
امضاء حبايبك فى مصر
منى
بقية المعلومات انا لخصتها فى الشعر اللى حكتبه
نور
ماهو دا برضه الى مزعل الناس كلها بس برضه مازلت اسأل هل مشكلة النظافة من الناس ولا من الحكومة
حازم
حبيب قلبى وحشتنى والله احنا ياجميل مش بلد ال128 لانها اصلا ايطالى احنا بلد العربية الرمسيس معرفش انت شوفتها ولا لا لانها طبعا انقرضت
المستفز
رايك فعلا مستفز اهلا بيك فى مدونتى المتواضعة
العربى السمان
ياباشا احنا بلد الفراعنه نبص لمين بقى
إرسال تعليق