مبروك لقطر- تعليق قصير

أود من هنا ياأصدقائى ان اتوجه بالتهنئة لدولة قطر الشجيجه( الشقيقة) على راى الأخوة فى السودان على فوزها بتنظيم كأس العالم عام 2022 وطبعا باق من الزمن 11 سنه كاملة ويامين يعيش علشان يحضر الإفتتاح فى الملاعب المكيفة ربنا يدينا طولة العمر - المهم انا بكتب ذلك لان إختيار قطر للتنظيم جاء بعد ايام قليله من اكتشاف فضيحة بيع الأصوات فى الفيفا ( الإتحاد الدولى لكرة القدم ) المهم بقى مش فىدا كله المهم طبعا ولأن مصر الدولة ذات الحضارة والفراعنه والذى منه قد فشلت فشلا ذريعا فى الفوز بتنظيم كأس العالم 2010 بصفر كبير كما تتذكرون ولأن قطر الدولة الصغيره المساحة والتاريخ فازت بهذا الشرف وعلشان ندارى كسوفنا فوجئنا بالمهندس هشام عزمى بانه يقول انه علشان احنا مدفعناش لاعضاء الفيفا رشاوى فلم نفز بتنظيم كأس العالم الماضية .
والذى يتناساه هشام عزمى وغيره ممن اشتركوا فى فضيحة الصفر الكبير والنهب الذى حدث على حس هذا الحدث داخليا ( وكان اولى به ان يوجه النهب للخارج حسب قوله انه لم دفع شيئا ) ان حتى اعضاء الفيفا المرتشون لايمكن اعطاء اصواتهم الا فى حالة اكتمال كافة مطالب التنظيم من طرق وملاعب وبنية اساسية ومواصلات واخلاق ناس متنصبش على السواح وعوامل كثيره جدا جدا اذا اكتملت وتساوت مع مطالب الفيفا يأتى هنا دور الرشوة يعنى فى حالة تساوى دولتين او اكثر فى هذه المطالب التى ليس لها تراجع لانها قواعد ومبادئ يأتى هنا دور التأبيج اما فى حالتنا نحن فلو كنا دفعنا رشوه مش حقول مليارات لا حقول سنهدى منطقة الهرم السياحية لبلاتر نفسه ببلاش يستغلها وياخد الفلوس االى جايه منها لصالحة ويستغل كل التكاتك اللى هناك لصالحة برضه مكانش وافق ننظم كاس العالم .
ياهشام بك عزمى اتقى الله واكفى على الخبر ماجور والناس نسيت الفضايح اللى عملتوها بتفكروهم ليه كالمثل القائل ......... دائما يحوم حول مكان جريمته .( تحياتى قبل السفر )