شوية كورة صغيرين

صباح الخير ياجماعة معلش اصل فيه خبرين استفزونى شوية قلت اكتب عنهم واسأل سؤالين وامشى علشان مفرقعش

الخبر الاول :

الأهلى من يومين اصدر قراراً ( خد بالك أصدر قراراً) بعدم قبول الحكم الدولى جهاد جريشه لتحكيم أى مباراة للاهلى

وبعدين قام السيد /رئيس لجنة الحكام تمخض كالجبل وقال ان هذا الحكم من منطقة الغربية جنب طنطا كده فلايجوز له تحكيم مباراه الاهلى والمحلة -آل يعنى منطقة الغربية دى والمحلة منها من انصار حزب الله اللبنانى مثلا

السؤال التانى طب مباراه المحلة خلصت امبارح وحكمها حكم تانى تغاضى عن طرد لاعب الاهلى فلافيو رغم أنه ارتكب مخالفة ضرب بدون كورة لو ان جوزيه مدرب الأهلى هو اللى كان بيحكم المباراه كان طرد فلافيو مش مشكله

هل سيحكم جهاد جريشه اى مباراه من المباريات المتبقيه للأهلى عدا فرق محافظة الغربية ؟سؤال للسيد رئيس لجنة الحكام

الخبر التانى

حوالى شهرين كده وزياده ولانقاذ نادى الزمالك تفضل السيد الدكتور سيد مشعل وتدخل لفض الإشتباك بين مرشحى رئاسة الزمالك ومن بينهم اوباما واقنعه بقبول رئاسة امريكا اسهل المهم قالوا قوائم توافقية وقوائم نسبية وكل الناس حتتلم فى قايمة واحده المهم اجتمع سيادته مع حوالى متين من كبار الزمالك واخبار هنا واخبار هناك وكل يوم خبرين تلاته على سيادته علشان الزمالك فى الاخر لقينا سيادته مطلع بيان بيقول فيه لاوصايه على الجمعية العموميه وان الزمالك لايباع ولايشترى ولايختطف وفتح باب الأنتخابات لالقينا قايمة ولانايمة امال طول الشهرين دول طالعين ونازلين دعاية للسيد الدكتور مشعل ليه هو فيه انتخابات برلمانيه قريب ؟؟؟؟

بس خلاص

نرجع بقى بعد شوية للجد تانى