سؤال لكل الأصدقاء انتوا ايه رأيكم فى الحكم الذى صدر ضد هشام طلعت بالإعدام لتحريضه على قتل سوزان تميم ؟
وايه الفرق بين هذا الحكم والحكم اللى صدر ضد صاحب العبارة اللى غرق فيها 1000 انسان بالسجن 7 سنوات ؟
طيب والحكم الصادر ضد ضابط الشرطة اللى قتل لاعب كرة اليد فى مشاجرة -قتل مباشر من سلاحه الميرى - بالسجن 10 سنوات ؟
طيب والحكم الصادر فى قضية الثأر اللى صدر باعدام 14 واحد
اولا صدقونى انا لاأشكك فى اية احكام ولكن اريد ان اعرف ماهو الفرق ماهو كله قتل سواء تحريض او قتل مباشر فهو ازهاق للنفوس طيب ليه دا ياخد اعدام وغيره سجن ؟
ولا شهرة المجنى عليه بتفرق بين مغنيه مشهورة وانسان عادى و1000 غلبان ؟
ارجو التعليق
هناك 5 تعليقات:
السلام عليكم
هشام الغالى
اخبارك ايه يارب تكون بألف خير
موضوعك جميل قووى ياهشام ويحتاج كلام كتير قووى
من اخطا يتحمل نتيجه خطئه
الحكم تم بشرع الله
لا احد فوق القانون
غياب الايمان بالله وغض البصر
نحن لا نستطيع ان نعقب على احكام القضاة ولكن أكيد الادلة دامغة وقاطعة بما لا يدع مجالا للشك
بارتكاب الواقعة وهذا ما استقر فى وجدان القضاة
وليس من فراغ .
فاذا ساور القضاة شك بنسبة واحد فى المليون او بأى نسبة أقل من ذلك لكان الحكم هو البراءة
خاصة مع وجود عباقرة القانون فى الدفاع عن المتهمين بمعنى ان المحامين رغم براعتهم وقوتهم القانونية لم يجدوا ثغرة واحدة ينفدوا منها
مما يدل على ان المتهمين فى موقف صعب جدا
والله انا لا اتحامل على احد ويارب اظهر الحق واعطى كل ذى حق حقة ولو فيه شبهه اى خطأ او دليل جديد فأن الله سيظهر ذلك ان شاء الله يارب ان كانوا مظلومين أنصفهم واظهر دليل البراءة الجديد وأظهر الجانى الحقيقى
عامة دى وجهة نظرى
والاختلاف فى الرأى لا يفسد للود قضيه
وأخيرآ
لكم فى القصاص حياة يا أولى الالباب
مع تحياتى انوسه
أولا اشكرك مرات ومرات على مرورك على مدونتى ياايناس وهو شكر لازم لانسانه ودوده مثلك ثانيا نعم انا معكى ولكم فى القصاص حياه يااولى الألباب بس مااقصده هنا تحديدا لماذا التفاوت فى الاحكام ؟على الرغم من تشابه الجرائم والوقائع بل هناك اشد والعقاب اقل هذا موضوع تساؤلى
واحد
حصل على الأموال بالمليارات
والتسهيلات التى لم يكن يحلم بها بسبب قربه من السلطة
فقد استثمر ملياران من الجنيهات فقط
فى مدينة الرحاب وحصل على تسعة مليارات أرباحا صافية
مستغلا أراضى منحت له بالأمر المباشر وبالمجان
يعنى الربح كان حوالى خمسمائة فى المائة
ولم تراقبه الدولة وتحدد له سعر الشقة لمساعدة الشباب
وتجمح جشعه
فماذا
يفعل بهذه الأموال التى جمعها بالسهل وفى غيبة من الرقابة الرسمية للدولة
بسبب قربه من صانع القرار
الشقة التى كانت تباع بخمسين وسبعين ألف
باعها بنصف مليون وفى الصحراء
فماذا نتوقع أن يفعل بأموال لم يتعب فيها ولا يعرف قيمتها
ومع انسان ركبه الغرور بسبب هذا الربح الوفير وقربه للسلطة
وتصور فى وقت من الأوقات أنه فوق القانون
وأنه امتلك مصر
يوجد آلاف من عينة هشام فى مصر فى جميع المجالات
قال الله تعالى:
( وَمَن يَتَّقِ اللَّهَ يَجْعَل لَّهُ مَخْرَجاً وَيَرْزُقْهُ مِنْ حَيْثُ لَا يَحْتَسِبُ)
صدق الله العظيم
يستحق الاعدام ليس فقط بسبب سوزان تميم ولكن بسبب مصّ دم المصريين
اسفة طولت عليك
استاذه سهر انا معكى تماماااااااااا فيما قلتيه ولكن انا لااقصد انه لايستحق الإعدام نعم فهو يستحقه ولكن سؤالى هنا هل يستحق الإعدام لانه قتل سوزان تميم وان الجريمة تمت فى دبى وبالتالى اصبحت قضية راى عام طيب لو كان قتل واحده عادية كان حياخد نفس الحكم طب بلاش واللى قتل لاعب كرة اليد باستخدام سلاحه الميرى مش يستحق الإعدام برضه انا هنا بتسأل لماذا لايتم التوحيد مجرد سؤال لانى ذيلت استفسارى بان هل الحكم لانها فنانه ( مش عرف طبعا انا عمرى ماشفت لها حاجة اصلا) ولا لان القانون يقول من قتل يقتل طيب مافيه ناس قتلت ومخدتش اعدام ؟ انا ياسيدتى اخشى مااخشاه ان يكون الحكم فيه رائحة سياسيه الله اعلم طبعا ولكن مش عارف كان نفسى ياخد اعدام وكل اللى بيرتكب جريمة تستحق الغعدام سواء غنى او فقير مشهور او مجهول ياخد اعدام برضه
دم واحدة زي سوزان تميم اغلي من دم لاعب كرة اليد واغلي من دم ضحايا العبارة الغلابة اللي حتي الشعب ما نصفهومش وطلع في مسيرات فرحة واحتفالات بفوز المنتخب واحنا عندنا تاني اكبر كارثة مائية في العالم بعد تايتانيك واغلي من دم الضباط والعساكر اللي اتقتلوا بايد الصهاينة واللي بيتقتلوا بايد الصهاينة كل يوم والتاني طبعا الظابط اللي مات بايد المجرمين القلسطينيين ده شهيد واتعملوا جروب علي الفيس بوك وحملة رهيبة اتعملت عشانه بتوضح اد ايه الفلسطينيين دول همج رغم ان محدش عارف ايه اللي حصل بالظبط وانه جايز يكون يستحق ده فعلا لكن اللي يتقتلوا بايد اليهود الملايكة دول عادي محدش حتي عرف اسمهم ولا حد اتكلم عليهم ولا حد قال ده خرق لاتفاقية السلام ولا حد فكر ياخد حق دمهم اللي راح هدر انا مش بدافع عن هشام طلعت مصطفي بس الموضوع مش كده يعني, اي حد من بتوع العبارة ظفره برقبة هشام طلعت مصطفي و سوزان تميم والاف من اللي محسوبين زورا نجوم المجتمع
إرسال تعليق