الأربعاء، 2 سبتمبر 2009

الحاق واجب للسحابة

الصديقة نور شكرتنى على هذا العرض الخاص بالسحابة وقد قمت بالرد عليها قائلا"أن هذا العرض كان مختصرا لان الموضوع يحتاج الى مقالات ومقالات و للأسف الشديد تناول الموضوع فى الصحافة او وسائل الإعلام المصرية كل عام دون ان نصيب لب الحقيقة وبمعنى يبدا الموسم بهجوم الصحافة والتريقة ورسوم الكاريكاتير دون ان يفهم الصحفيين اى شئ ويكون رد وزارة البيئة هو الدفاع الدفاع مثل فريق درجة تالته يلاعب الأهلى دون هدف وانا اعتقد ان الذى كتبته لكى باختصار لم يتم تناوله من قبل كله فقط عايز يدافع ويهاجم دون علم ودراسة وتحليل ووضع حلول منطقة والأهم مصارحة الناس بطبيعة المشكلة بل ولماذا لانشرك الناس فى اقتراح الحل لاأعلم كل واحد فى وادى " كان هذا ردى والذى اعتقد أنه يجب ان يكمل الموضوع الأصلى فعلا لماذا لاتشرك الحكومة الناس فى الحل اى حل لاى مشكلة لماذا لايتم استطلاع اراء واستضافة الناس من الطبقة المتوسطة فى برامج تليفزيونيه تناقش وتحلل لماذا نكتفى فقط بالممثلين ونجوم الكورة والكتاب الصحفيين ؟ اين الناس ؟ اكيد فى الـ 80 مليون مصرى فيه ناس عندها حلول سحرية نجيبهم وناقشهم نستضيفهم ياجماعة دا احمد زويل مننا وفاروق الباز برضه مننا وغيرهم وغيرهم مكنوش من عليه القوم والأغنياء مكنوش اصحاي شركات موبايلات او شركات تعمير يبنون البيوت ويقتلون الناس ايضا كانوا من الطبقة المتوسطة طبقة مصر والمصريين صدقونى انا قريت فى المدونات هنا لناس عظيمة واراء جميلة ليه الحكومة متعملش قناه تليفزيونيه يسموها قناة الشعب كله من الشعب مش عارف هو احنا لسه صغننين فى عين الحكومة مش عارف عايز حد يجاوبنى والله بمناسبة السحابة السوداء فيه ناس كتير عندهم حلول كتير للموضوع دا وحلول منطقية انا عارفهم بس محدش بيسمع وقلت طالما محدش بيسمع يبقى نكتب لعل وعسى حد يقرا

هناك 8 تعليقات:

Unknown يقول...

أحنا اساسا مش
موجودين عند الحكومة
الا لجباية الضرائب فقط
غير كده ليس لنا لزمة عندهم

Unknown يقول...

وزى ما انت قلت
الحلول موجودة والحمد
لله بس مين اللى يبتدى
أحنـا ولا الحكومة ؟
سؤال صعب الاجابة
عليه:للأســـــف

Hesham يقول...

الى نور
والله يادكتورة الواحد نفسه اتلخبطت من جهة السحابة السودا زى مانتى قولتى كده احنا مش داريانين ودلوقتى احنا مش موجودين طيب نعمل ايه

nor يقول...

يا ريت
بس هم شايفين المشكله و عارفين وجودها
بس ولا حياه لمن تنادي
تحياتي

Hesham يقول...

والله يانور فيه مثل بيقول اللى مايشفوش من الغربال يبقى اعمى وواضح ان الناس عندنا مش عمى لا دول بيستعموا

Mona يقول...

http://www.youtube.com/watch?v=YSefpWdSjaA

أتفرج وقول لى رأيك وأرحمنا من السحابة السوداء شوية كفاية الى أحنا فيه :))))

-_- يقول...

من امتى الحكومة اهتمت بتكريم العظماء الا بعد موتهم

Hesham يقول...

الى شارم
والله حتى بعد موتهم ماهو ابو غزاله مات

اصدقائى الاعزاء

شكرا لزيارتكم لمدونتى تمنياتى ان تحوز إعجابكم دائما واتمنى المزيد من تعليقاتكم سواء من يتفق معى فى الرأى أو يختلف وطبقا للمقولة المشهورة شكرا لمن قال نعم وشكرررررررا لمن قال لا ( والحدق يفهم )