السبت، 5 سبتمبر 2009

هيصه

الصديقه العزيزه منى ارسلت لى ردا على موضوع السحابة السوداء فى شكل (website) جميل عن مصر يعنى هو فيلم سياحى عن مصر وان كان الفيلم جميل وممتع لدرجة ان صديقى وزميلى فى العمل وهو هندى الجنسية عندما شاهده - بالمناسبة هو صديقى فعلا - قرر ان تكون اجازته القادمة فى مصر وشرحت له مالم يأت فى الفيلم مثلا من جمال الرحلة النيليه بين الأقصر واسوان وعظمة مصر فى كنوزها السياحية لدرجة انه فعلا قد اصر على زيارة مصر .
هذا ليس موضوعنا فلسنا سياحا ولكننا مواطنين مصريين نعيش فى الوجه الأخر من بلدنا ليس الوجه السياحى ولكنه وجه الهيصة طبعا الموضوع عند قراءته فى الوهلة الأولى حتقولوا موضوع كورة وحسن حمدى والذى منه ولكن انا عايز بس أركزعلى حاجة حقولها فى سياق الكلام.
الخبر بسيط حارس مرمى كرة اليد ومنتخب الشباب انتقل من الأهلى للزمالك فى احدى الصفقات التى يحارب بها الناديان بعضهما البعض لاشغال الرأى العام عن بلاوينا ، الى هنا والخبر عادى ثم أتى خبر مكمل بيقول ان الإتحاد المصرى لكرة اليد عند مراجعته للموقف أقر بصحة الإنتقال من الاهلى للزمالك وصحة خطواته الى هنا والخبر العادى .
عايزكو بقى تقروا معايا السطور اللى جايه علشان تشوفوا الهيصه
" وعلمت المصرى اليوم أن حسن حمدى قد عقد جلسه خاصه مع عضوين من اتحاد كرة اليد من ابناء النادى ووجه لهما لوماً شديداً على عدم معرفة النادى بالقرار قبل صدورة وحملهما مسئولية انتقال كربم هنداوى للزمالك "- جريدة المصرى اليوم - الجمعة 4 سبتمبر العدد 1909
هل يمكن ان اعلق على الخبر !!!!!!!!! يعنى ايه؟؟؟؟ كده يعنى ان ابناء النادى يشتغلوا جواسيس على اتحاد اللعبه اللى هما أصبحوا اصلاً أعضاء فيه علشان يبلغوا الباشا بقرار ما أىكان قبل صدورة ؟؟؟؟؟؟!!! ماهى هيصه - وبالمناسبة هل يقبلها الباشا على نفسه لانه رئيس مجلس ادارة النادى الأهلى يتسرب خبر او قرار من المجلس قبل الإعلان عنه واثناء مناقشته مجرد سؤال ؟؟؟؟؟؟
ويعنى ايه ان اتنين من اعضاء اتحاد اللعبه يتم تعنيفهم بواسطة رئيس نادى اى كان هذا النادى اصلهم من ابناء النادى ؟؟؟؟!!!!! ماهى هيصه
يعنى ايه اصلا ان لايتم توجيه الى رئيس هذا النادى- ان كان الكلام صادقا من الجريده- تهمة محاولة اغواء موظفين عموميين بإفشاء اسرار العمل والمفروض اصلا ان هما اول لما يدخلوا إتحاد اللعبه خلاص بقوا تبع اتحاد اللعبه مش تبع النادى ، يعنى ولائهم الاول لصالح اللعبه حتى لو كان هذا ضد مصلحة النادى بس تقول ايه ؟؟؟!!!!1 ماهى هيصه
شوفتو بقى فى خبر لايزيد عن سطرين ثلاثه فى 3 هيصات .

معنى كده بقى ان اوباما كل مايتناقش فى اى شئ على مستوى حكومته وجاء اسم كينيا بالطيب او الرضى حيقوم جرى يكلم رئيس كينيا ويبلغه ماهو اصله من كينيا - كان بيشجع نادى جورماهيا الكينى اللى ضرب الحكم زمان -
ياجماعة هى الهيصه وصلت لحد كده ان يتم التعامل مع الغلط واللامعقول بهذا الشكل على انه شئ عادى جدا بيحصل كل يوم مع انه شئ مخزى تماما وخطأ فاضح وفادح فى رأيي سواء من النادى او رئيسه وكمان من اتحاد اللعبه ورئيسها والاكثر خطأ منهم كلهم جريدة المصرى اليوم اللى نشرت الخبر بدون التعليق عليه وكأنه عادى كل نادى ليه فى اتحاد لعبه عضو او اتنين خلاص بقى اشتراهم ولازم يبلغوه بكل صغيره وكبيره داخل الإتحاد
مش عارف هو انا عايش فى زمن غير الزمن ولا الناس دى صح وانا مش فاهم ولا هما اللى غلط -
واخيرا بمناسبة اذاعة مسلسل اسماعيل ياسين حاليا فى رمضان وبمناسبة هذه الرساله ايضا تذكرفيلما للفنان الراحل من أجمل افلامه على الإطلاق الكوميدية الفلسفية التى تنطبق علينا اليوم فيلم - المجانين فى نعيييييم

هناك 14 تعليقًا:

Mona يقول...

أنا أرسلت لك الرابط مش علشان أعمل دعاية أن مصر بلد سياحى (وهى فعلا كده) لا لكن بس علشان أخلق جو من الهدوء أن مصر فيها حاجات حلوة كتير جدا بس أحنا بطلنا نشوفها من كتر ما بنقرأ ونسمع من أخطاء ومغالطات وفساد لا يتنهى بس هذا لا يعنى أن مصر سحابة سوداء وأتحاد كورة وبس !!!

Hesham يقول...

والله العظيم يامنى انا معاكى بنسبة 150% واذا رجعتى لقصيدتى التى كتبتها عن الغربه حتعرفى انى بجد بحب بلدنا وبحب اللى فيها وعلشان كده كمان مقدرتش استحمل الغربه بكل مافيها من مزايا واثرت ان اعود لبلدى ان شاء الله قريبا جدا

Mona يقول...

والنبى ما قلت أنها كرة قدم لا جبت سيرة أى نوع هى اليد مالهاش اتحاد!!! يعنى مش كفايةعليك مواضيع عن كرة القدم كمان اليد ده أنت بتفلى الجرنال بقى أنا صفحة الرياضة ديه بأسقطها من الجرنال هى والوفيات لا أقراهم أبدا!!! أن شاءالله ترجع بالسلامة لو كان القرار ده فى مصلحتك ومصلحة من ترعاهم علشان لا تندم عليه بس لو جيت مصر وقعدت لكل بنى أدم ومصلحة على الواحدة الموتيفال والكالمى بام مش حيحوق فخالى بالك دور من دلوقتى على علاج أقوى :)))

------ يقول...

السلام عليكم

دى اول زيارة ليا

سعيدة جدا بزيارتى ليها

واتمنى انك تنورينى

Hesham يقول...

والله يامنى قرار العودة مش اقتصادى فقط ولكنه اجتماعى برضه يعنى مش عايز اكسب فلوس ولو انها طلعت سراب حاليا او على الاقل فى حالتى انا يعنى مش عيز فلوس واخسر اولادى فالوضع لايستحمل انى اجيبهم هنا وفى نفس الوقت مش قادر ابعد عنهم اكتر من كده عموما علمت ان رزقى لاياخذه احد غيرى فاطمئن قلبى
واشكرك على النصيحة الجميله التى تدل على انك انسانه مخلصه وعلى العموم فيه موتيفان بيقلوا اقوى من الكالمبام

Hesham يقول...

وعلى فكرة يامنى انا من كتر مازهقت من اخبار السياسه والعناوين التى لاتتغير من سنه 1952 اصبحت صفحة الرياضة هى الصفحة الوحيدة اللى بقراها والأخبار التانيه بشوفها على النت

Hesham يقول...

الى دموع القمر اسم جميل وحزين اشكرك على تشريفك ليه بس على فكرة انا مدونتى برضه فيها شعر وسياسة مش كورة بس لحسن تاخدى فكرة انى بتاع كورة بس عموما اتمنى دوام الزيارة بيننا

♥نبع الغرام♥♪≈ يقول...

وعجبى عى كلامك اللى زى العسل يا هشام
بجد وحشتنى قووى
اخبارك ايه يارب تكون بالف خير وبصحة جيده
بجد سعدت بمرورك الكريم لمدونتى
وان شاء ربنا يهديك للطريق السليم فى اخذ قرار العودة الى وطنك
بجد انا معاك ان الغربه صعبه بس معلهش لاذم تتحمل
ولو رجعت هتحس بالفرق الكبير
قلبى معاك ياهشام وان شاء الله تنور وطنك

مودتى

Unknown يقول...

هيصة
انت قلتها
هيــــــــصة!
هى بلدنا بقت كده
يعنى خلى بالك انت راجع
(بألف سلامة يارب )لهيصة
كبيـــــــــــــــــــرة
حتخليك تشك فى كل شىء كل ما تسمعه
وتقرأ عنه فى جريدة او قناة تليفزيونية ستجد عكسه
تماماً وبنفس القوة فى
جريدة او قناة أخرى
حتى انك احياناً ستجد
نفسك تشك فى كل شىء
(هذا هو الحاصل لىّ الان)

Unknown يقول...

ترجع مصر بالسلامة
يااستاذ هشام ويتلم
شملك انت والاسرة على
ألف خير وسعادة يارب .

مي يقول...

هههههههههه واى هيصة يا استاذ هشام
فعلا حضرتك قلت المفيد المجانين فى نعيم
دايما حضرتك متميز
تحياتى

Hesham يقول...

الى انوس العزيزة
اشكرك انتى على مداومة زيارتك لى وان كنت انا اللى مقصر واشكرك على تمنياتك لى باتوفيق ويارب لينا جميعا

Hesham يقول...

الى الدكتورة نورا
طبعا قرار العودة انا اعلم جيدا انه صعب او فلنقل من اصعب القرارات ولكن المشكلة ايهما تختارى المر ام الأمر منه ولكن المشكلة هنا ان طعم المر يتساوى اذا وصلت درجة المرار الى الذروة لاتستطيعى التمييز بينهم فتختارى ساعتها بنظام حادى بادى مع وضع طبعا الوجود مع الاهل والأحباب فى الإعتبار وربنا يوفق الجميع

Hesham يقول...

الى مى
اصل الفيلم دا كان لسه معروض من يجى اسبوع على احد القنوات الفضائية بس لو شفتيه بعمق حتلاقى الراجل بيتنبأ باللى بيحصل واللى حيحصل اقدر اقول مؤلف عبقرى وممثل متميز وفيم لازم يذاع اكثر من مره فى اليوم الواحد

اصدقائى الاعزاء

شكرا لزيارتكم لمدونتى تمنياتى ان تحوز إعجابكم دائما واتمنى المزيد من تعليقاتكم سواء من يتفق معى فى الرأى أو يختلف وطبقا للمقولة المشهورة شكرا لمن قال نعم وشكرررررررا لمن قال لا ( والحدق يفهم )