العلاوة مره تانيه

تمخض الجب فولد 5% علاوة سنويه للموظفين الغلابه والمصيبه ان السيد أحمد عز رئيس لجنة الموازنة (خدو بالكو احمد عز امبراطور الحديد والملياردير المصرى ) هو من يتحدث عن العلاوة الخاصة بالموظفين اللى كبيرهم بيقبض الف جنيه طبعا مش عارف تيجى ازاى بس مش مشكله .

المهم يعنى علشان مطولش عليكم انا سبق وقلت لكم ان العجز فى الموازنة العامة للدولة فى مصر عجز غير حقيقى او للدقة فان معظمه غير حقيقى وانما مبنى على افتراضات الفرصه البديله وقد قال السيد وزير المالية ان العجز هذا العام فى حدود الـ100 مليار وان هذا نتيجة انخفاض ( خدو بالكو من النقطه دى ) انخفاض الحصيلة الضريبيه طيب انا عايز اعرف بقى امال الحمله الشعواء على موضوع دفع الضرائب دى كانت نتيجتها ايه وفنانين وممثلين وصداع بين كل فترة والتانيه واعلانات تذاع 50 مره فى اليوم كل دا مش له تكلفه وبرضه فيها تكلفة فرصه بديله يعنى مثلا اجور وتكاليف تنفيذ الحمله دى مش من فلوسنا احنا اللى بندفع الضرائب طيب تكلفة استئجار وقت مميز لاذاعه الحمله دى على القنوات الفضائية المختلفه مش برضه فلوسنا احنا طيب بلاش دى القنوات الفضائية المملوكه لاتحاد الإذاعه والتليفزيون -يعنى فلوس حكومه فى حكومه واختيار توقيتات ممتازة لاذاعه الحمله دى مش برضه كان ممكن استغلالها فى زيادة دخل الدوله لو اذاعت اعلانات تانيه برضه بمنطق الفرصه البديله

ولا هو حلال على البنزين وحرام على الضرائب مش عارف بصراحه الناس دى بتفكر ازاى وواخدينا على فين بصراحه انا حاسس كده وزى ماقولت فى اصدار سابق ان محدش فاهم حاجة محدش بيربط الموضوعات ببعضها وبعدين عجز مائة مليار ليه طيب خفضوا الإنفاق الغير ضرورى الاول والإصلاحات المستمرة للكبارى والشوارع اللى لسه جديده اصلا وبعدين خفضوا الأحتفالات بيوم الطفل والمرأه والشاب واليتيم والرياضه وحفلات اضواء المدينه ومهرجانات المحافظات واليوم القومى لمحافظة كذا - يوم قومى لمحافظة يعنى ايه القوميه ليها معانى اكبر من انها لمحافظة مش عارف بس بقولها للمرة العشرين محدش فاهم حاجة