مساء الأنوار يامحمد باشا
شوف ياسيدى نمسكها واحده واحده مسألة التحريك لا التحرير دى طبعا السادات قالها بعد الحرب مش قبلها واقولك ليه بس استحملنى بقى لان الموضوع عسكرى بحت .
طبعا كلنا يعلم تماما ان ايام حرب اكتوبر 73 كانت الأسلحة الإسرائيليه تتفوق على المصرية كما ونوعا ( انا لسه ماجبتش سيرة الدعم الأمريكى ساعة الحرب كمان ) مثلا عدد الطيارات كان اكتر لان سلاح الطيران هو رأس الحربه الإسرائيلى بمعنى انه السلاح الرئيسى الذى طبعا يتميز بالسرعه عكس سلاح الرئيسى المصرى وهو المشاه وطبعا اقل سرعه من الطائرات والكثافة النيرانيه كمان تتميز القوات الإسرائيلية بخفة الحركة نظرا لاتبعاها التكتيك الغربى القائم على السرعة من خلال التشكيلات الصغيرة عكس التكتيك المصرى القائم على بطئ التحرك لان الأعداد بتكون اكثر وهو فكر روسى كنا ملزمين به علشان التسليح مثلا الدبابه الروسى اثقل من الأمريكانى ب25% يعنى سرعه ومناورة اقل وبالتالى استيعاب الضربة الأولى والتعامل معها كان عند الأسرائيلين اكبر واسرع من استيعابنا مثلا للضربه الاولى فى 67 وبالتالى ونظرا للتفوق الهائل فى التسليح والتكتيك كان اعتمادنا على عنصرين
الأول المفاجأه والتى لن تدوم طويلا كما شرحت لك
والثانيه ايمان المقاتل المصرى بالقضية مما يجعله يتحمل المستحيل مثلا ان يحمل المقاتل المصرى عده وسلاح تزن مقدار وزنه فهذا آت نتيجة الحماس ولكنه ايضا لن يدوم طويلا
ناهيك طبعا على ان اسرائيل هى المسيطرة على سيناء ولديها المسافة من العريش الى القناه يمكنها ان تحشد قوة نيرانيه هائلة تدمر القوات المهاجمة لان الدفاع اصلا اسهل من الهجوم وبالتالى قامت الخطة على عنصرين
الأول هو العبور السريع علشان نضع قدم داخل سيناء ونتمسك بها وبالتالى حتى ان تم وقف اطلاق النار ولم نصل الى حل فالحرب ساعتها حتكون اسهل علشان مفيش قناه ومانع مائى نعبرة
الثانى هو ابهار العالم بقدرة المقاتل المصرى وبالتالى ادخال الرهبه فى نفوس الجنود الأسرائيلين ليفكروا اكثر من مرة قبل اى هجوم يخططون له لانهم طبعا حيخافوا وميعرفوش ايه كمان تسليحنا .
ثالثا بعد طبعا موضوع الأسترخاء العسكرى الذى فرضه الروس والأمريكان كان يجب تذكير العالم ان عدم الحل قد يؤدى الى حرب شاملة يعنى تحريك المياه الراكده ثم الأعتماد على الدبلوماسية
بالنسبة بقى لردك على سؤالى فهذا هو بيت القصيد اى عدم المرونه فى طرح القضايا وفقا للمعطيات الدوليه وليس وفقا لأفكارنا نحن لان القرار رقم 242 كان ينص على انسحاب اسرائيل من الأراضى التى احتلتها عام 1967 يعنى الوضع المقبول للعرب هو كان تنفيذ هذا القرار وليس حاجة تانيه وكلنا كنا راضيين بده طيب اذا كان اجتماع مينا هاوس وتطور عمليه السلام كان يمكن ( وانا بقول يمكن ) ان يضمن ان تنفذ اسرائيل هذا القرار مقابل السلام طيب ليه لا ليه منحاولش واذا فشلنا يبقى نحارب تانى ويبقى ساعتها الكل مش حيقدر يقف امامنا اما ان نرفض الموضوع برمته دون محاوله فهذا هو الغباء السياسى بعينه ثم ان مساله الإعتراف دى نسبية يعنى ايه يعنى ماكل دول العالم بتحارب بعضها وهى معترفه ببعضها يعنى مثلا اليابان وامريكا حاربوا بعض وضربوا بيرل هاربر والتانيين ضربوا نووى وكان سفراء الدولتين موجودين اى لم يسحبوا السفراء حاليا مثلا الهند وباكستان نازلين ضرب فى بعض على فترات فى كشمير وبرضه معترفين ببعض والسفراء موجودين ياسيدى الفاضل انا حقولك حاجتين وهذا فى رأى ان فكرت فيهم بهدوء ستجدهم معقولين
الاول سؤال مين اللى تحمل وتزعم جبهه الصمود والتصدى ؟؟ سوريا ( حزب البعث السورى )والعراق (حزب البعث العراقى ) (انا بقى نفسى انك تقرأ مبادئ حزب البعث علشان تعرف ان كلامى صحيح) وطبعا منظمة التحرير الفلسطينية والباقى انضموا ليهم لانهم كانوا خايفين من حدوث قلاقل عندهم من الثلاثه دول لان عرفات قالها صراحه اللى حيقف مع مصر انا قادر انى اوصل لغرفة نومه يعنى وقفوا خوف الا سلطنة عمان طيب ليه ؟ علشان الفلوس والدعم المادى المقدم من دول البترول لجبهة الصمود والتصدى طيب لو حصل صلح بقى حياخدوا فلوس منين كله حيقول لا مفيش اعانات مادية فيه مشاريع تنمية ماشى فيه خطط ماشى لكن فلوس كاش تروح سويسرا خلاص فنيتوا ماهو مفيش حروب بقى
الثانى طيب مين وراء عدم حضورهم الى مينا هاوس ؟؟؟ ومين اللى سخنها فى دماغهم ؟؟؟ الامريكان ليه بقى ياسيدى ؟ لان خطاب مناحم بيجن ردا على السادات قال ايه قال انه لو حصل سلام يمكن ان نكون اعظم منطقة فى العالم من خلال الفكر اليهودى والمال العربى والسواعد المصريه لن نحتاج لاأحد طيب الكلام دا يخوف مين ؟؟ امريكا طبعا لانه لو فرض ان هذا الكلام تم يبقى اسرائيل ستخرج من عباءة امريكا والمال فى امريكا يهودى يبقى ممكن تلاقى يهود امريكا مدوا استثماراتهم الى المنطقة العربية وبالتالى تنمية شاملة للمنطقة وطبعا مفيش حروب يبقى مفيش سلاح حيتباع والسلاح هو عماد الصناعة الأمريكيه
الموضوع من الاخر ياسيدى ان المستفيد من عدم حل القضية اتجاهين
الاول علشان الفلوس بتاع سويسرا
والتانى مبيعات السلاح الأمريكى
صدقنى واقسم لك ان الزعماء العرب لو كانوا حضروا فى ميناهاوس كان التاريخ اتغير ليس تاريخ المنطقة وانما تاريخ العالم اوعى تفتكر ان زعماء سوريا والعراق واليمن والمنظمة قلبهم على القضية بص لثرواتهم فى بنوك سويسرا واسلوب معيشتهم الامبراطورى وانت تعرف ياراجل طالما انت بتتكلم فى الدين بقى والصحابه دا سيدنا عمر بن الخطاب لما واحد من العامة سأله من اين لك هذا الثوب الطويل ياعمر قال له ان ابنه عبد لله تنازل عن نصيبه فى القماش له علشان هو طويل ودا كان مين ؟ امير المؤمنين اللى بيحكم دوله من الهند وحتى المغرب قارن بقى بينه وبين ثروات الناس اللى بالى بالك تقوم تقولى اصلهم مش عايزين يعترفوا علشان الفلسطينين ووالحق العربى والجهاد والسلاح صدقنى اول ناس مكنتش عايزة تحل ولاتربط ومستفيدين من الامر الواقع استفادة شخصية هما الزعماء اللى انت بتقول عليهم انهم رافضين التفاوض مع العدو وحقولك حاجة انا سالتك عن موضوع السم والترياق صح ؟ السم وضعوة الأسرائيلين والترياق تم احضارة من تل ابيب برضه تفسر دا بأيه يعنى انا بقى لو مناضل لا اموت بالسم ومجبش الترياق من العدو يبقى على الأقل مت شهيد صدقنى يامحمد وانا اكاد اجزم انى اللى بقوله دا هو الحقيقة المجردة اللى محدش عايز يعترف بيها رغم انها الحقيقة وانا زى ماقلت لك سيبك بقى من الشعارات المشكلة مين اللى بيقول الشعارات موقفه ايه فلوسه منين ؟ انا لا مع السادات ولا مع عبد الناصر ولا مع اى حد انا مع دماغى بس وربنا ادانا عقل نفكر بيه ونوزن الامور وفى الاخر اقول انا مقتنع بايه
صدقنى انا معاك فى كل كلامك بس مين ينفذ مين يستوعب القضية بشكلها الصحيح ويدافع عن مواقفه بدون غرض شخصى وسويسرا ( مش كفايه عصام الحضرى احترف فى سويسرا )طيب هل من الإسلام بقى لو حنتكلم فى الدين هل من الأسلام الشماته فى الموت دا الرسول لم يشمت فى موت يهودى اذاه يبقى لما السادات يتقتل زعماء الكراسى والأبواق يهللوا فى اى دين هذا حتى لو اختلفت معاك بس مش بالصورة لامؤاخذه العيالى دى
معلش يامحمد لقد اسهبت معك فى هذا الرد بس صدقنى لو الناس تعرف الحقائق المجردة كانت امور كثيره جدا حتتغير
هناك 23 تعليقًا:
مساء الانوار يا سعادة الباشا اولا ما تعتذرش علي الاسهاب انا بشكرك عليه بجد انا ببقي مبسوط وانا بتكلم مع حضرتك
انا عندي تعليق بسيط علي جزئية التحريك والتحرير دي مبدئيا اتقالت قبل الحرب او بعدها هي ما تفرقش معايا كتير, بس معلوماتي بتقول انه قالها قبل الحرب لانه زي ما حضرتك عارف عمل جهود دبلوماسية كبيرة جدا بعد ما مسك الحكم وفي مرة اجتمع بوزير الخارجية الامريكي وقتها ويليام روجرز وشرحله وجهة النظر العربية من عملية السلام والحق العربي والقصة دي وبعدين رد روجرز عليه وقاله كلام عبيط كده يوضحطريقة تفكير الناس دي وانهم ما بيعترفوش غير بمنطق القوة وبس رد قاله انتوا الطرف الاضعف وما عليكوا الا انكم تقبلوا الشروط اللي بيمليها عليكو الطرف المنتصر اللي هي اسرائيل وهو ده السلام العادل من وجهة نظرهم عشان كده فكر السادات في حرب محدودة ما بتهدفش لتحرير سيناء علي اد ما بتستهدف بالبلدي كده كسر نفس الجيش الاسرائيلي ومجرد التفكير مهين يا استاذ هشام بجد دولة بمكانة مصر ومواردها وامكاناتها وبسالة جيشها مش فادرة تحرر ارضها؟؟؟!
انا عارف ان مشكلة مصر في قياداتها مش في جيشها ولا شعبها بس انا بقولك علي احساسي لما قريت عن الموضوع ده
انا طبعا بشكر حضرتك علي اتفصيلات العسكرية اللي في حاجات فعلا ماكنتش اعرفها, حضرتك كنت قولت استيعاب الضربة الأولى والتعامل معها كان عند الأسرائيلين اكبر واسرع من استيعابنا مثلا للضربه الاولى فى 67 هو انا شايف ان الضربة الاولي الاسرائيلية تختلف عن ضربتنا احنا الاولي في اننا استهدفنا مطارات ومراكز تحكم وشوشرة في سيناء, لكن اللي خلانا احنا ما نستحملش الضربة دي انها استهدفت مطارات مصر بالكامل واتدمرت 98% من طائراتنا علي الارض -طبعا باستثناء بطولات عدد من الطيارين منهم علي سبيل المثال لا الحصر الشهيد مدحت المليجي_ مين دولة في العالم تقدر تتحمل ضربة بالضراوة دي؟ طبعا كان مفروض يبقي فيه دفاع جوي وكان مفروض يبقي فيه حماية لمطاراتنا ومجالنا الجوي بس ما علينا
نيجي بقي بالنسبة لجزئية ردي علي سؤالك اولا انا معنديش رد علي جزئية القرار 242 _وان كنت انا مش موافق عليه_ بس جايز سوريا واللي عمله السادات وقت الحرب خلاهم يفقدوا الثقة فيه, وجايز منظمة التحرير الفلسطينية كانت زيها زي بقيت عناصر المقاومة رافضة الوجود الصهيوني ورافضة الاعتراف بيه وده اللي يخلينا نتكلم في ملاحظة حضرتك ان كل دول العالم بتحارب بعضها وهى معترفه ببعضها, ماشي حضرتك عندك حق بس لا اليابانيين راحوا استوطنوا امريكا ولا امريكا سرقت ارض عشان تعمل وطن قومي (للامريكان) علي ارض اليابان طالما ده ماحصلش يبقي اوك مافيش مانع من وجود السفراء يتابعوا مصالح البلدين في كل بلد بالنسبة بقي لمبادئ حزب البهث اوعدك اني هدور عليها عالنت وابعتلك رايي لما اقراها
اما بالنسبة لكلام مناحم بيجن انا مش شايف ايه اللي مخلي حضرتك حتي تفكر ان ده ممكن يحصل فكر يهودي ايه وثروات عربية ايه وسواعد مصرية ايه؟؟؟؟ الفكر اليهودي ده يوم ما ابدع ابدع في بروتوكولات حكماء صهيون ومؤتمرات الصهيونية اللي انتهت بتأسيس هش لدولة هشة( حتي لو امتلكت ترسانة الارض النووية كلها) بدليل ان حضرتك عارف طبعا لو قطعنا الدعم عن فلسطين ايه اللي هيحصل, والثروات العربية مفهوم جدا اد ايه هما طمعانين فيها وبيحاولوا بالتطبيع وغيره ان هما يجتذبوا الثروات العربية للاستثمار في اسرائيل وللاسف نجحوا في كده, مش بيجن ده اللي كان عضو منظمة الارجون اللي اذاق العرب ويلات وحشيته وهمجيته واللي سموه بالارهابي؟ ولا كلمة الارهابي ما بتستمدش فظاعتها غير لما يوصف بيها حد مسلم؟ حضرتك عارف طبعا عملوا ايه في الاسري المصريين ووصل بيهم الفخر باللي عملوه في عساكر عزل انهم صوروا اللي بيحصل ده فيديو وكأنهم بيوثقوا بطولاتهم ضد عساكر جعانة ومش متدربة ومش معاهم سلاح علي اي حال, بيجن ده كان بيقول الكلام ده وبيرجع بعد الظهر يتفرج مع ولاده في البيت علي فيلم يوم كيبور هو وولاده بيعلمهم ويغرس فيهم مبادئ الخسة والندالة بأبشع صورها بالله عليك ازاي نصدق بعد كده الكلام اللي هو بيقوله ده؟؟؟؟؟؟؟؟؟؟؟؟! الكلام اللي مرفوض جملة وتفصلا, الكلام ده كان ممكن يتصدق لو جت هجرة اليهود بجاماعات لارض فلسطين كمهاجرين او متنيلين علي عينهم طبيعي يعني, وييجوا بعد كده يتكلموا علي فكر اقتصادي يهودي وثروات عربية وسواعد مصرية كان ممكن نصدق لكن من امتي دمنا كان مياه يا استاذ هشام؟ ومن امتي هانت علينا اوطاننا ومقدساتنا للدرجة دي؟ اللي قال الكلام ده من اليهود اللي حرقوا المسجد الاقصي, وقتلوا الفلسطينيين والعرب من غير تمييز, الناس دي كانت بتتلذذ بكل قطرة دم عربي ومسلم بتريقه, مش معني كده طبعا ان امريكا هدفها انها تحل القضية الفلسطينية حل عادل ولا حتي مش عادل
حل القضية دي في ايدنا احنا يا استاذ هشام ومش هيكون غير بالجهاد اللي احنا اتفقنا علي مقوماته اللي لازم تتوفر عشان ننجح يبقي هدفنا هو تحقيق المقومات دي واصلاح المسلمين والمجتمع المسلم مش اننا نسمع لكلام الجزارين اللي دبحونا قبل كده وبيحاولوا يسرقونا بعد ما قتلونا وشبعوا فينا قتل دلوقتي بيزرعوا الفتنه في صفوفنا لدرجة ان احنا اللي بقينا نقتل بعض _ ودي خيبتنا احنا طبعا_ علي العموم انا ماقولتش علي الحكام العرب قلبهم علي القضية ومصداقيتهم وذمتهم مش فوق مستوي الشبهاتبس طز فيهم, انا بتكلم عن راينا احنا كشعوب لحد ما يطلعلنا حاكم عادل بسم الله الرحمن الرحيم_ان الله لا يغير ما بفوم حتي يغيروا ما بأنفسهم_ صدق الله العظيم
صباح الفل يامحمد باشا
معلش كده رد سريع وبعيدن سوف أتأنى اكثر
طبعا أنا شرحت لك بشئ من التفصيل الموقف العسكرى بصفة عامة ولكن طبعا هناك تفاصيل دقيقه وحاجات كتيييييييييييير اوى ممكن تحتاج كتب بجد علشان تعرف بالضبط ليه احنا مدخلناش حرب شاملة ودى تتعلق باجبهه الداخلية ايضا ومدى توافر الإمداد والتموين وطول خطوط الإمداد ووووو حاجات كتير قعد القادة العسكريين يدرسوا فيها 3 سنوات كاملة طبعا صعب جدا انى اعرضها هنا فى موجز ولكن فلتعلم ان الامور فى الجيش بالذات وبعد 67 تحديدا بتؤخذ بالعلم كل انواع العلم بما فيه الدينى والنفسى فى الحسبان ومن الاخر وصلوا الى ان انسب قرار هو ماتم تنفيذه فعلا وقد يأتى يوم ونتقابل ساعتها سوف اشرح لك بالتفصيل لان الملام طبعا اسهل من الكتابه
أما موضوع القرار 242 فهو صدر بعد حرب 67 وليس 73 يعنى صدر ايام الازمه والهزيمة يعنى صدر ووافق عليه كل الزعماء اللى بتتكلم عليهم بل فى مؤتمر الخرطوم تحديدا اعلنوا انهم لن يقبلوا بغير القرار 242 لتسوية المشكلة يعنى هما كانوا موافقين عليه قبل السادات مايجى الحكم يبقى مفيش حجة بقى
اما بالنسبة للجزئية الاخيرة من الموضوع بشأن الإعتراف لازم تعترف بالأمر الواقع لانه الغعتراف بالمرض هو اول طريق الشفاء
انا حقولك حاجة النبى عليه الصلاه والسلام قد وافق على الهدنه مع مين ؟؟ مع الكفاااااااااار فى صلح الحديبيه ورغم اعتراض الصحابه عليه واشدهم كان الفاروق عمر الا ان الامر تم حسمه حينما انزل الله تعالى سورة الفتح ( إن فتحنا لك فتحاً مبيناً) لقد كان صلحا فى ظاهر شروطه إجحافا بالمسلمين ولكن فى باطنه حقق مصالح كثيره
انا لاأشبه هنا لاسمح الله عظمة النبى (ص) بالسادات ولكن الشئ بالشئ يذكر فقد استغل المسلمون الصلح فى تقويه نفسهم داخليا وشد أزر المحيطين وتكوين جبه موحده ( فاهم موحده ) ولذلك حينما نقد الكفار العهد فوجئوا بعشرة الالاف مقاتل تحاصر مكه وكان الفتح الأعظم
مش بقولك احنا مبنتعلمش من التاريخ
سيدى ان كان العرب قد استمعوا للنصح وبعد المفاوضات والسلام اتجهوا الى الوحده كما فعل المسلمون الاوائل كان الامر اختلف ولكن هيهات هيهات تقول لمين اصل زمان مكنش فيه بنوك فى سويسرا تقريبا
فكر مليا مليا فى كلامى قبل الرد
ارجوك يامحمد زن الامور قبل الرد وبلاش الكلام الحماسى زن الامور بعقلانيه انا لااطلب منك الإقتناع بكلامى فقناعات الإنسان تأتى من داخله ولكن اريد منك ان تزن الامور وتقول صح ولا غلط بشكل محايد بعيدا عن كونك مسلما عربيا وبعدين تقول بقى صح بس مش مقتنع أو غلط بس مقتنع بيه
يعنى مثلا جمهور بوسعيد بيشجع فريق المصرى بس هو عارف انه مش احسن من الاهلى وعمرة ماحياخد الدورى بس بيشجعه يعنى مقتنع بالفريق رغم انه مش الاحسن
القناعات شئ ووزن الامور بميزان المنطق شئ اخر
مساء الخير طبعا انا ردي متأخر شوية انا بعتذر بس انا كنت بره ولسه راجع, الشئ من التفصيل ده يا استاذ هشام هو اللي انا عايزهلاني مدخلتش جيش وماعرفش ان كنت هدخل ولا لا وبعدين طبعا فترة التجنيد مش كفاية انك تحكم في مواضيع زي دي فانا عشان افهم مش قدامي الا اني اقرا تحليلات ناس دخلوا الجيش وناس شاركوا في الحرب وما الي ذلك وبعدين بعد كده اوزن الكلام واشوف الكلام علي ايه انا اللي محيرني ان في واحد زي الفريق محمد فوزي مثلا طلع صرح بان مصر كانت قادرة علي استعادة سيناء كاملة من غير مفاوضات سنة 1971 اللي مخليني مش مصدق الكلام ده اوي ان كان في قلق بين الفريق فوي والسادات بالاضافة ان الفريق فوزي كان من اتباع عبد الناصر او بلاش نقول اتباع بس من جماعة عبد الناصر انا طبعا عارف ان عبد الناصر بني الجيش من الصفر وان السادات تقريبا استلم الحكم والجيش المصري في حالة كويسة جدا, بس اللي بيخليني ما اركزش اوي في الكلام ده برضه حاجتين اولهم ان الكلام ده عايز اثبات وتانيهم اني عارف ان عبد الناصر كان بيميل للحرب الكلامية والتصريحات النارية فبالتالي اتباعه ومحبيه هيبقوا علي نفس الدرجة وكنت برضه اتكلمت مع لوا في الجيش شارك زمان في حرب اكتوبر واكد الكلام ده ان احنا كنا قادرين نحرر سيناء كلها بس كل الكلام ده من غير تفسير مجرد كلام كده بيتقال وخلاص وده بيتعبي بصراحة سيبك بقي من التعليقات اللي بتقولك جيشنا كان قادر علي انه يوصل لتل ابيب وبتاع :) انا طبعا يشرفني اقابل شخصية محترمة زي حضرتك في اي وقت بغض النظر عن الكلام ده
بالنسبة بقي لموضوع القرار 242 صدقني يا استاذ هشام انا ضد وجود كيان سياسي يهودي علي ارض فلسطين وافق بقي الزعماء العرب ما وافقوش اهوا ربنا يحاسبهم في النهاية بس مش عشان هما وافقوا يبقي انا اقتنع ان مالهاش حل غير كده! حضرتك بنفسك قولت ان الزعماء دول مش عايزين حل للدولة الفلسطينية ودي مش تجني عليهم بس لو كان في النية بجد كان زمانها اتحلت من زمان
بالنسبة بقي لموضوع الاعتراف اولا اسرائيل مش مرض اسرائيل كيان احتل بلدنا واعترافنا بيها هيخلي فلسطين اندلس تانية بس خلينا نقول اعترافنا باسرائيل وقيام دولة فلسطينية جنبا الي جنب مع الدولة الاسرائيلية مش هو ده افضل السيناريوهات المطروحة؟؟؟ يا تري شكل الارض اللي هتاخدها الدولة الفلسطينية دي هتبقي عاملة ازاي؟ معلش ماتقوليش ان دولة يبقي يبقي عندها حوالي 80% من افضل اراضي قلسطين وندي الدولة الجديدة 20% من اراضي الزراعة وبقيت الارض صحا واراضي فقيرة؟ طيب بلاش يا تري قوة وتسليح الدولة الجديدة دي هيبقي موازي لقوة وتسليح الدولة الاسرائيلية؟ انا بفترض كل ده وانا رافضه اصلا يا استاذ هشام اسمحلي اختلف مع حضرتك في تشبيهم للوضع الفلسطيني الاسرائيلي بصلح الحديبة مع الكفار لان الكفار وقتها برضه كانوا اصحاب ارض والرسول صلي الله عليه وسلم فضل انه يأجل فريضة الحج للسنة دي لحد السنة اللي بعدها وفي مقابل كده يعمل صلح مع الكفار ويجنب الدولة الاسلامية الناشئة هجمات الكفار لمدة 10 سنين,
لاحظ انه عمل كده مع ناس المفروض انهم اصحاب الارض وعمل كده وهو معاه جمع من الصحابة رضوان الله عليهم يعني كان معاه قوة تهدد اهل مكة ما كانش بيعمل صلح من موقف ضعف بالاضافة ان الرسول صلي الله عليه وسلم راعي انه وهو بيأجل الحج للسنة دي بيحفظ ماء وجه قريش عشان ما تقولش بقيت القبائل العربية ان قريش استذلت للمسلمين, في المعاهدة دي اقر اليهود علي باطل امتلاكهم لارض فلسطين او جزء منها, اعمل معاهم سلام علي اي اساس, استاذ هشام السؤال دلوقتي الارض دي ارضنا ولا لا؟ غير كده بمناسبة صلح الحديبية بقي الرسول صلي الله عليه وسلم حدد مدة السلام بين المسلمين وقريش ب 10 سنين لكن في كامب ديفيد السادات ما حددش اي فترة زمنية وحكم بسلام دائم مهما حصل وغض النظر عن الحروب والدم والظلم اللي واقع علينا منهم وقال بتطبيع علاقات؟؟!!!علاقات ايه يا استاذ هشام؟؟؟ بعدها ب 3 سنين غزت اسرائيل لبنان وعملت هناك مجازر وفظائع ما يثقل ضمير امة واحنا ماقدرناش ندافع عنها رغم ان بينا وبين لبنان وقتها اتفاقية دفاع مشترك بموجب بنود وبروتوكولات الجامعة العربية علي العكس تماما تم فتح مكة بعد اعتداء قريش او قبيلة بكر الموالية لقريش علي قبيلة خزاعة الموالية للمسلمين, وطبعا تحييد مصر واعتراف اكبر واقوي دولة في المنطقة باسرائيل كان اكبر انجاز عمله الصهاينة بعد اقامة الدولة الصهيونية, قبل كامب ديفيد كنا بنقول علي اليهود الكيان الصهيوني او المحتلين اليهود, دلوقتي بنقول عليها اسرائيل عادي, بس لا يا استاذ هشام مش عادي, وهفضل اقول مش عادي حتي لو بقيت انا الوحيد علي وش الارض اللي بيقولها ولحد اخر يوم في عمري, غير كده نتايج كامب ديفيد وصلح الحديبية مختلفة تماما عن بعض, في صلح الحديبية زي ما حضرتك قولت اتحد المسلمين ودخلوا مسلمي اليمن في الدولة الاسلامية ورجعوا مسلمي الحبشة انضموا لرسول الله صلي الله عليه وسلم, وبعد كامب ديفيد حصل شق كبير في الصف المسلم, مش بقول لحضرتك كان تحت ايده باعتباره القائد المنتصر اكبر تكتل سياسي للعرب في العصر الحديث حضرتك بتقول لو حضروا في مينا هاوس كان التاريخ اتغير, انا شايف ان علي العكس لو ماتعملش كامب ديفيد كان التاريخ اتغير للافضل طبعا وان كنا مختلفين في الجزئية دي, اولا انا قناعاتي بتيجي من كوني مسلم يا استاذ هشان بغض النظر بقي عربي ولا هندي انا ما تفرقش معايا اي انتماءات بعيد عن الانتماء الاعظم للاسلام, بس انا مش فاهم يعني ايه شكل محايد بعيد عن كوني مسلم وعربي؟ هو حضرتك شايف ان وجهة النظر الاسلامية او العربية في القضية دي غلط عشان كده المفروض ابقي محايد وابعد عنهم؟ الحياد اني اقبل ووافق لليهود علي جرايمهم وسرقتهم للاراضي؟ ابقي محايد لما اكون غلطان ومصر علي الغلط لمجرد ان اللي غلط ده مسلم, هنا ده سلوك بيرفضه الاسلام (ولا يجرمنكم شنآن قوم على ألا تعدلوا اعدلوا هو أقرب للتقوى) انا فعلا مش فاهم جزئية محايد دي
استاذ محمد انا حبتدى معاك من الاخر مش من الأول المقصود بكلمة محايد ليس ان تلغى انتمائك ولكن زى حجك الكورة ممكن تبقى اهلاوى ماشى بس وانت بتحكم مباراه للأهلى تحكم بحياد متجاملش الأهلى على حساب الغير
مقصد كلامى ويمكن دا ناتج عن طبيعتى البحثية نعم انا مسلم وعارف ان كل اللى بتقوله امنيات اتمناها ولكن اذا نزلنا من الامنيات الى ارض الواقع لازم اقف كمحايد فى النظر للأمور مش فى الإقتناع بيها يعنى وكأنى عالم فى المعمل يضع عناصر معينه بحسابات معينه بغض النظر على انه بيحب ريحه الياسمين اكتر من الفل يقوم يبوظ معادلة الكولونيا مثلا اللى المفروض يحط فيها نسبة الفل أكتر ( بالمناسبة مساء الفل والياسمين ) هذا مقصدى ان نشوف احنا فين لاانت فى ايدك حاجة تعملها ولا أنا كمان وبالتالى عندما احكم على امر ما يجب ان انظر له من كافة جوانبه ثم اشوف ايه هى قدراتى الواقعية هل لو الحل فى حرب شاملة دلوقتى حاكسب الحرب ؟ حاليا لا طبعا يبقى اشوف واحكم على المواقف بنظرة تحليلية واقعية ترى مالى ماعلى ايه اللى اقدر احققه بالأدوات اللى فى ايدى النهاردة يعنى مثلا لو ان كل اثرياء العرب سحبوا اموالهم من الغرب واستثمروها فى المنطقة العربية مثلا ارض السودان هناك 5 مليون فدان صالحة للزراعه مع السواعد المصرية اللى مش لاقيه شغل مع اموال الخليج الن نكون سلة الغذاء فى العالم انظر ساعتها من منطق المصلحة الن يسعى الغرب الى تغيير مواقفهم نحو تأييد العرب لان مصلحتهم الغذائية بقت معانا ( دا مثل بس مثل واحد) وبالتالى الأمور حتتغير يعنى لو ان العرب وافقوا على السلام ساعتها ورجعت الحدود الى وضع ماقبل 67 وتفرغ العرب للتنمية مش دا كان افيد وهل ساعتها كانت اسرائيل حتضرب لبنان حتضربها ليه وبأى حجة ماهو مفيش حرب ولا يحزنون طيب شوف بقى لو دا كان حصل صدقنى وتبعا للنظريات الإقتصادية كانت اسرائيل ستتحلل بدون حرب ليه لانها مش حتبقى جزيرة منعزله لا حتدخل ضمن المنطقة العربية تبادل مصالح تبادل تجارى ناس رايحة وناس جايه من 120 مليون عربى و4 مليون يهودى بالطبع كانوا حيدوبو فى المنطقة شوف انا عشت فى انجلترا حوالى 3 سنين الامبراطورية التى كانت لاتغرب عنها الشمس لو رحت دلوقتى لندن مش حتلاقى الجنس الإنجليزى بقى افرقة على عرب على هنود من كل مله واتجوزا من بعض ونشأ شعب جديد فى انجلترا ملون ابيض على احمر على اصفر مبقاش الإنجليزى ابو شعر اصفر وعينين خضرا خلاص هو دا المقصد بس دا كان يتم امتى لو ان العرب مش حضروا بس مينا هاوس لا حضروا ومضوا ونفذوا اللى انا قولته نلتفت للتعاون والتكامل ساعتها صدقنى اسرائيل لم يكن ليصيبح لها وجود مستقل
او بعنى اخر كان اليهود حيبقوا زى ماكانو قبل 48 مجموعات تدين باليهودية عايشين فى كل الدول العربية اصحاب اموال ومصالح زى صيدناوى وشيكوريل يعنى مفيش دوله يهودية ساعتها طبعا الكلام دا مش كان حيبقى بين يوم وليله كان حياخد وقت طبعا بس فى الاخر كان حيحصل طبائع الامور والتجربه التاريخية بتقول كده زى مثل انجلترا وفرنسا اللى بقى نصها عرب وافارقه ياراجل دا فريق فرنسا القومى لكرة القدم كله اسود تشوفه تفتكروا فريق ساحل العاج
اما بقى موضوع الأسرى طيعا انا اكتر واحد بأيدك فى كلامك بس برضه زمن الحروب بيكون زمن سيئ نعم احنا عاملنا اسراهم كما قال ديننا الحنيف وكما قالت الأتفاقيات الدوليه لحماية الأسرى بس دا مش عيب احنا برضه اذلناهم لما صورناهم بالتليفزيون علشان يعرفوا قيمتهم بقت ايه قيمة الجيش الذى لايقهر اللى جندى واحد مصرى مثلا دمر لهم 23 دبابه عرفوا ساعتها ان الله حق بس دا على مستوى الجندى ودا اللى جعل امريكا تجرى وترجع جيش اسرائيل اثناء الحرب وكأنه لم يخسر دبابه القوات السرائيليه حتى يوم 13 اكتوبر خسرت مايزيد عن 700 دبابه طيب يوم 21 اكتوبر ايه الحال كان عندهم 1200 دبابه جديده يبقى انا اعمل ايه جسر جوى هائل من احدث الاسلحة وانت اللى بتخسره مالوش تعويض
احم احم:) حلوة اوي بالمناسبة مساء الفل والياسمين دي :) مساء الورد والسعادة يا باشا,
هنرجع تاني نقول احنا متفقين في الاصول ومختلفين في الفروع, انا فهمت جزئية محايد دي بس لسه مش مقتنع بإن كوني محايد هيغير وجهة نظري في وجود اسرائيل لسبب بسيط جدا انا مش معترف بحق اليهود في انشاء وطن قومي ليهم اصلا برضه لسببين اولهم ان ده هيكون تصنيف طائفي مفيش حاجة اسمها وطن لليهود ووطن للمسيحيين ووطن للمسلمين ووطن للكفرة, السبب التاني ان الناس دي ربنا كتب عليهم الشتات في الارض, فمن بابا الحيادية انا مش موافق الناس اللي بتقول يروحوا يعملولهم وطن قومي في اي حتي تانية, احنا مش هنعمل زي الاوروبيين ونتخلص من السرطان اليهودي باننا نبلي بيه اي دولة تانية, طبعا الحل مش في حرب زي حرب اكتوبر كده؟ الحل في حرب مقدسة (الجهاد) ضد اليهود واللي احنا متفقين زي ماقولنا قبل كده ان لا عوامل نجاحه ومقوماته احنا بنفتقر ليها دلوقتي, انا اكره اني استشهد بكلام عبد الناصر بس كان عنده حق لما قال ما اخذ بالقوة لا يسترد بغير القوة, هما اليهود عملوا ايه بعد حرب 67 يا استاذ هشام مش اعتبروا نفسهم الطرف الاقوي واللي ليه الحق الوحيد في املاء شروط السلام المزعوم بتاعهم؟ وبعد 73 كانوا خلاص كسبوا ارضية ان هما امر واقع ليهم شعب وحكومة وحتة ارض بيعيشوا فيها بغض النظر عن ان الارض دي مسروقة ومنهوبة من اصحابها ولا لا وبدئوا ما يسمي برضه بمعاهدة السلام من المنطلق ده اللي بيتجاهل حق 12 مليون قلسطيني في رجوعهم لبلدهم (حتي لو هما اختاروا ان هما ما يرجعوش, دي حاجة ترجعلهم بس حقهم في الرجوع لبلدهم الام مش لازم يكون مادة للنقاش اصلا) طيب سلام ايه بقي مع ناس زي دي الناس دي جت حاربتنا وقتلت اخواتنا واهالينا وسرقوا ارضنا وهدموا بيوتنا وبعد كده جم بيقولوا احنا عايزين سلام وهما ايديهم لسه فيها دم اخواتنا وبعدين السلام ده بيبقي بعد ما ناخد حقنا يا استاذ هشام واحنا لو خدنا حقنا منهم هيبقي بح مفيش كيان صهيوني في فلسطين واليهود اللي هيكونوا هناك هيبقوا مجرد مواطنين زي ما كانوا قبل النكبة او مش قبل النكبة اوي يعني قبل 1920 انا برضه ماليش دعوة بالغرب حضرتك نفسك قولت رايك في الغرب ووجهة نظرهم من السلام العالمي, وفي نفس الوقت اثرياء العرب والاستثمار دي واجبات هما مش بيعملوها بس مش معني كده اننا نسلم بوجود اسرائيل ونسلملها بالارض اللي سرقتها ونسعي لاقامة دولة شكلية مفيش معني لوجودها ولا شكل ولا مقارنة بين مستوي اقتصادها وتسليحها ومستوي واقتصاد جارتها اللدود اولا رجوع الحدود لما قبل 1967 وتفرغ العرب للتنمية ما كانش هيبقي افيد وكانت اسرائيل هتضرب لبنان او علي الاقل هتمارس دورها في نشر المخدرات والدعارة بين الشباب العربي بطريقة غير مسبوقة وبعدين عشرات الملايين من الشباب العربي بيتعاطوا المخدرات وعشرات الالاف منهم بيموتوا كل سنة بجرعات زائدة او ما شابه يعني زي ما قولت لحضرتك في ردي الاول مفيش مشروع قومي يستوعب طاقاتهم علي كل بروتوكولات حكماء صهيون اللي بتقول حدود دولة اسرائيل من النيل للفرات وكلام الحاخامات وحريق المسجد الاقصي والاستهانة بمقدساتنا كل ده بيقول بوضوح ان الناس دي عمرها ما كانت هتسمح بتنمية يا استاذ هشام حضرتك بتقول 120 مليون عربي و 4 مليون يهودي, حضرتك تجاهلت ليه المستوطنات والهجرات اليهودية لفلسطين؟؟؟ واللي مستمرة لحد النهارده؟
برضوا هفكر حضرتك ان وضع انجلترا مختلف باعتبار ان الافارقة والعرب والهنود والباكستانيين ما هاجروش لهناك بسلاح وادعوا بحقهم في وطن قومي ليهم في انجلترا وهدموا بيوت وقتلوا اطفال وستات وشيوخ واقاموا دولة والامم المتحدة _اللي انا بزعم انها قامت اصلا عشان تعترف باسرائيل وتحميها_ اعترفت بيهم وبدءوا في عملية ابادة جماعية لمعظم قري انجلترا وتهجير جماعي للقري الباقية واستقطاب مواطنيهم من كل مكان في العالم, الناس دي راحوا كمهاجرين لدولة فتحت باب الهجرة بطريقة قانونية ويعتبروا مواطنين فيها بتسري عليها قوانين الدولة وان كنت معنديش خلفية كافية عن وضعهم السياسي وامكانية ترشيحهم لمناصب سياسية من عدمها, بس برضه فلسطين حالة خاصة يا استاذ هشام ما تسريش عليها الامثلة اللي حضرتك ذكرتها
الحل الوحيد من وجهة نظري المتواضعة للمشكلة دي يا استاذ هشام هي دولة اسلامية بيعيش فيها مسلمين ومسيحيين ويهود زي ما كانت طول عمرها كده طول عمر فلسطين ومقدسات جميع الاديان السماوية في امان تحت حكم المسلمين, والعكس تماما مع الحكم المسيحي او اليهودي, ازاي اقامة الدولة دي بقي هتقوم لما تتحقق لنا عوامل النصر من وحدة ورغبة حقيقية في حل مشكلة فلسطين, رغبتنا احنا يا استاذ هشام مش رغبة الغرب, لما ده يحصل سواء جاهدنا او لا ( لان اليهود مش هيسمحوا لده بانه يحصل وهيفضلوا ينفخوا في نار الفتنة واحنا زي الغنم بنزيد كل يوم بعد عن بعضنا) بس يوم ما تجتمع ارادتنا علي حل القضية دي بما يتناسب مع الحق والعدل اللي هو في جانب العرب اللي صدق رسول الله صلي الله عليه وسلم لما تنبأ او اخبر من 1400 سنة ان هما هيكونوا كثرة ولكن كغثاء السيل, بالنسبة ل ال 700 دبابة وال 1200 اللي جولهم بعد كده انا شخصيا موقن ان احنا مش بنحارب بعدة ولا عتاد علي لكن احنا بنحارب بإيماننا وبعدين لا العدة ولا العتاد هي مقاييس النصر يا استاذ هشام, يعني المثال اللي حاضرني دلوقتي هو هزيمة الولايات المتحدة وانكسارها برغم كل ترسانتها العسكرية في فييتنام وبرضه اسرائيل في حربها الاخيرة في لبنان احنا بنعمل اللي علينا وموقنين في الاخر ان احنا بس بناخد بالاسباب وان النصر من عند ربنا فتعويض الاسلحة من عدمها ما كانش هيفرق معانا كتير وبعدين الجزائر كانت حاطة حوالي مليار او 2 مليار والله مش فاكر بس يعني حاجة زي كده في حساب مصر وسوريا تسحب بيهم اسلحة في وقت الحرب, بالمناسبة كانت منحة مش قرض بس في الاول والاخر احنا بنحارب بيقيننا وايماننا بقضيتنا وبديننا وفي مثل اعظم هو المقاتلين الافغان في الشيشان, في عوامل احنا لازم نحطها في حسابنا لكن في الاخر كل العوامل دي مش هتضمن لنا النصر وطبعا احنا لازم بس نوفر اللي نقدر عليه منها ونعمل ونتقن عملنا زي ما حضرتك قولت ساعتها النصر بايد ربنا
الأستاذ محمد
صباح الخير معلش بقى دايما كده انا بكتب بدرى أود أن اسألك اسئلة
لماذا فرض الله تعالى الصلاة على المسلمين فى يوم الإسراء والمعراج ولم يفرضها قبلها ؟
لماذا حرم الله سبحانه وتعالى الخمر على مراحل ولم يحرمها من المرة الأولى ؟
لماذا لم يحرم الله الرق وان كان انزل من الأيات مايحفز على انهاءه ؟
لماذا دائما ماتنوع خطاب الله سبحانه وتعالى فى قرأنه الكريم مابين ياأيها الناس وياأيها المؤمنون وياأيها المسلمون و افلاتعقلون ؟
صدقنى اجابات هذه الأسئلة ستوضح لك الكثير
ماسء الخير يا استاذ هشام, بالنسبة لاسئلة حضرتك اجوبتها مش عندي بس احنا ممكن نفكر فيها مع بعض, افتكر ان الصلاة فرضت اصلا في السنى الثالتة لبعثة الرسول صلي الله عليه وسلم, وافتكر انها مسألة توقيت ليس الا كان المهم الاول بيان وحدانية ربنا وبطلان عبادة الاصنام وبعدين لما زاد عدد اتباع الدين الحنيف ربنا فرض الصلاة والله اعلم, تحريم الخمر طبعا جه علي مراحل لشدة ارتباط اهل مكة وقتها بالخمر واللي طبعا كان بيشكل صعوبة لتركها, برضه موضوع تحريم الرق ده لان الناس كانت معتمدة عليه في حياتها بشكل كامل والله اعلم برضه, تنوع خطاب ربنا بين يا ايها الناس واللي هو بيبقي تشريع عام للناس كلها او خلينا نقول خطاب عام زي مثلا قول الله تعالي بسم الله الرحمن الرحيم (يا ايها الناس ان خلقناكم من ذكر وانثي وجعلناكم شعوبا وقبائل لتعارفوا ان اكرمك عند الله اتقاكم) وده كلام للناس كلها مش للمسلمين بس, يا ايها المؤمنون طبعا كلام بيبقي تشريعي بيخص المسلم بس, وافلا تعقلون سؤال استنكاري من ربنا بيحث الناس علي الاستفادة من نعمة العقل, بس زي ماقولت لحضرتك يا استاذ هشام موضوع اسرائيل يختلف وماينفعش فيه تأجيل لسبب ان اي سلام ولو مؤقت مع اسرائيل بيحتم الاعتراف بيها طبعا طبقا للشروط الاسلامية وده بينافي الشرط الاسلامي للسلم بإن هما اللي يجنحوا للسلم ومن غير شروط بس ما علينا مجرد اعترافنا بدولة اسرائيل يا استاذ هشام معناه ان خلاص مش من حقنا بعد كده اننا نطعن في شرعية وجودها معني كده اننا بنقر بحقها في الوجود علي ارضنا, لو حضرتك شايف ان طبقاللاسئلة يبقي لازم ان احنا نحط اساس للدولة الفلسطينية ونعمل سلام ولو شكلي نضمن بيه ولو جزء بسيط جدا من ارضنا الاول زي ما السادات قال او علي حد تعبيره كرسي في محل الحلاقة وبعد كده كل واحد ومجهوده بقي :), زي ماقولت لحضرتك مجرد اعترافنا بيها يبقي الموضوع انتهي,
صديقى محمد
أرجو أن تعلم أن مناقشاتنا هذه لاتعنى أننى اسعى جاهدا لتغيير قناعاتك الشخصية تجاه قضايا معينة
أن كل مااسعى اليه هو ان أجعلك فقط تنظر الى الأمور من مختلف الزوايا فقط واعتقد انى قد سقت لك مثالا على ذلك ان جماهير بورسعيد تشجع المصرى بجنون ويعلمون تماما ايضا ان الأهلى اذا لعب مع المصرى عشر مرات الأهلى حيكسب 9 مرات منهم ولكنهم يشجعون المصرى مقتنعين به ولكنهم يعلمون ايضا ان الأهلى اقوى
ولهذا لاتعتبر هذا النقاش محاولة لتغيير قناعاتك فهذا مستحيل ولكنه من واقع خبرات كثيره بحكم السن والإحتكاك والمعاملة والدراسات النظرية ايضا احاول فقط ان اجعلك تتطلع على الأمور من زوايا قد تكون خافية عليك .
واشئلتى التى سألتها لك هى محاولة فقط لاقناعك ان أمور الدنيا لايمكن النظر اليها من طريق واحد وهناك مقولة ان كل الطرق تؤدى الى روما فايهم نسلك ؟ هذا هو الغرض صدقنى ان 150 مليون عربى حكومة وشعبا مقتنعين تماما بما تقوله لان هذا ماتربينا عليه ولكن اي الطرق نختار هذا هو مايتوقف على العديد والعديد من العوامل والظروف وموازين القوى الدولية والإقليمية ولكنك ان سألت اى منهم ماذا تحلم ؟ سيقول لك احلم بما انت تحلم به ولكن ؟؟؟؟
عموما دراسة التاريخ من زوايا مختلفة ايضا تتيح لك قياس الأمور بصورة دقيقة ان تتحالف مع عدو لقهر عدو اخر هو جائز فرسولنا الكريم تحالف مع مشرك ليدله على اقصر طريق للهجرة من مكه للمدينة بل وتحالف مع اليهود ذاتهم فى المدينة ضد المشكرين فى غزوة الخندق ( بالمناسبة فى هذا الامر تحديدا كان درسا فى قمة السياسة أن تلاعب باليهود والمشركين فى آن واحد بصورة مازالت تدرس حتى الأن فى معاهد السياسة العالمية انا هنا لا أبالغ هناك كورس فى معهد الدراسات السياسية فى فرنسا التابع للسربون يسمى سياسة محمد (ص) فى تأسيس الدولة الإسلامية الأولى ) طبعا (ص) من عندى لان الكورس بالأسم المجرد وهذا الكورس فى 4 شهور كاملة )
وسيف الدين قطز تحالف مع الصليبين لقهر المغول بل وهم غزاة ايضا اعطاهم الحق فى حكم العديد من المدن الإسلامية مقابل التحالف معهم ضد المغول نعم بعد ذلك انقلب عليهم وطردهم ولكن متى ؟ بعد ان تحقق هدفه
خالد بن الوليد تحالف مع بعض الولايات الفارسية ( عبدة النار ) ليسمحوا له بالمرور لقتال الرومان
وفى العصر الحديث ايضا تحالف محمد على مع المماليك ضد محمد الألفى ولما مات انقلب عليهم
مااود أن اقوله هنا ان عالم السياسة يعطيك الأدوات التى تحقق لك اهدافك واعتقد انه بقرءتك للتاريخ ستعلم مااقوله هل كان قطز ليترك الولايات العربية فى يد الصليبين ؟ ولكنه تحالف معهم
بمعنى اخر هناك مايسمى بالتراجع التكتيكى لمواجهة مواقف بعينها ولكنه ابدا لن يكون تغيير استراتيجى فى المبادئ
تقبل تحياتى
استاذ هشام
صدقني انا بحترم ما يفرقش معايا كتير سواء الحق مع مين وان كنت بتمني يكون مع حضرتك وعارف طبعا ان حضرتك مش بتحاول تغير قناعاتي علي قد ما بتحاول تعرض وجهة نظرك وده برضه اللي انا بعمله ما فارق العلم طبعا بيني وبين حضرتك, انا ما فكرتش للحظة في كده وعارف ان حضرتك اكبر من الحاجات الصغيرة دي ومستمتع جدا بالنقاش مع حضرتك, صدقني ما كانش في اي داعي ان حضرتك تقول كده ومتشكر جدا طبعا لسعة صدر حضرتك للنقاش معايا وارجو اني ماكونش ضايقتك
بالنسبة بقي لل 150 مليون عربي افتكر ان تعدادنا اكتر من كده شويتين بس ما علينا يعني خلينا نتكلم عن الشعوب العربية ونقول ان هما بيحلموا بكده, الحكومات العربية لو فكرت حتي في كده كانت حاجات كتير اتغيرت يا استاذ هشام
بالنسبة بقي لاستعانة الرسول صلي الله عليه وسلم بمشرك في طريق الهجرة يا تري الرسول صلي الله عليه وسلم اختاره كده جزافا؟ ولا كان فيه اسباب قوية ومقومات اتمته بيها عبد الله بن اريقط عشان كده اختارده سيدنا محمد صلي الله عليه وسلم؟ بكل تأكيد الرسول صلي الله عليه وسلم مش كان بياخد قرارات كده جزافا, عبد الله بن اريقط امتاز بالامانة والوفاء بالعهد جنب طبعا معرفته بدروب الصحراء وغيرها بس اهم صفتين دلوقتي هما الامانة والوفاء الصفتين اللي خلوا الرسول صلي الله عليه وسلم يثق فيه ويختاره هو بالذات عشان العمل ده, تقدر حضرتك تقول ان اليهود هندهم الصفتين دول او بلاش اليهود خلينا نتكلم بشكل محدد ونقول الصهاينة؟
برضه في غزوة الخندق كان هما يعتبروا من اصحاب الارض او من قاطني الارض دي ماجوش احتلوا الارض كده وبعدين الرسول صلي الله عليه وسلم تحالف معاهم ضد الكفار, قطظ وسينا خالد في تحالف الاول مع الصليبيين والتاني مع الفرس الاول كان بيواجه خطرين منفصلين تماما عن بعض بالعكس التتار كانوا اعداء للصليبيين بنفس القدر ما هم اعداء للمسلمين قطز واجه خطرين خطر استيطان وخطر ابادة كان الحل الوحيد وقتها ان يتحالف مع الخطر الاستيطاني ويأمن شره لحد ما يتخلص من خطر الابادة اللي كان بيمثله التتار, وبعدها رجع يواجه الخطر الاستيطاني, افتكر نفس الوضع كان تقريبا كده بالنسبة لسيدنا خالد اللي كان شغله الشاغل وقتها هو الروم والجيش الروماني القري الفارسية دي مش قضيته, واتعامل بمبدأ الاهم فالمهم لكن لو جينا نطبق الكلام ده دلوقتي يا استاذ هشام تفتكر اي مهم اهم من ارضنا؟ احنا تقريبا كل اللي بنواجه دلوقتي نتيجة للكيان السرطاني اللي مزروع وسطنا, يبقي الاهم اننا نوحد راينا وصفنا ورايتنا بعدها نستأصل الكيان ده بعدها تبقي لنا هيبة وقوة بين كل دول العالم بالنسبة بقي لمحمد علي والمماليك الناس دي وان كانت سيئة بس في الاخر انا مايلزمنيش كان مين ينتصر علي مين لان انا زي ما قال المرشد العام للاخوان المسلمين افضل ان مسلم اندونيسي يحكمني ومايحكمنيش قبطي مصري (طبعا مش محتاج اكرر اني مش من جماعة الاخوان المسلمين اللي ليهم عندي كل الاحترام وطبعا خلاف في بعض وجهات النظر) برضه انا مش شايف ايه طبيعة التراجع التكتيكي لمواجهة مواقف معينة اللي المفروض نتبعه دلوقتي وايه هي المواقف اللي تستدعي التراجع التكتيكي ده
التراجع التكتيكى دا يكمن فى ان الأمة الإسلامية الأن بضعفها وتكالب القوى الغربية عليها وكذلك تفرقها وسيادة حب الدنيا فيها كلها عوامل تجعل من الضرورى جدا ان نتنازل تكتيكيا عن هدفنا لأكبر حتى لايصيبنا ضرر اكبر بمعنى وكما انت تقول ان نتعامل مع الضرر الأصغر حتى نتحاشى الضرر الأكبر وليكن فى ماحدث فى العراق خير دليل قيادة غبية لاتعى ماتفعل وان وعت فهى تتصرف بحمق دون عقل ومنطق ادت الى تدمير شامل ونهب منظم لثرواتها العراق التى تملك كل مقومات التقدم والنمو تعيش الأن كما الصومال لاحكومه تسيطر ولا شعب آمن
وانا سبق وقلت لك مقومات تحقيق الهدف غير موجوده مين السبب بقى مش كامب ديفيد هى السبب مقومات الفرقه موجوده قبل كامب ديفيد بقرون قل لى منذ ايام صلاح الدين الأيوبى هل اتحد العرب ؟؟
طيب الشريف حسن فى مكه حاول وحدة العرب وفشل الملك فاروق نفسه حاول وفشل وجمال عبد الناصر حاول وفشل اذا ليست كامب ديفيد هى سبب فرقه العرب واقولك بقى السبب وتحليله وفكر معى
لو قسمت الدول العربية فى علاقتها بمصر كقلب للأمه ستجد شئ غريب جدا
الدول اللى ساعدناها واعطيناها من ابنائنا وعرقنا ومالنا وتحديدا دول الخليج فى الشرق والجزائر فى الغرب والسودان فى الجنوب هناك عدائا خفيا ليس بين الحكومات فقط بل ايضا بين الشعوب وانظر لما مصر بتلعب كورة معاهم ايه اللى بيحصل كانك داخل معركة حربية
طيب من ناحية تانية تونس والمغرب وسوريا ولبنان لم نقدم لهم مساعدات ولكن علاقتهم بمصر علاقات جميلة انا اتكلم عن الشعوب اتدرى لماذا ؟
ان الدول مثل سوريا ولبنان والمغرب وتونس تتماثل مع مصر حضاريا ووهم شاعرين انهم على قدم المساواه حضاريا وفكريا معنا وليس لنا فضل عليهم وبالتالى حتى الوحدة بين مصر وسوريا انهارت على المستوى الرسمى لكن مازالت علاقة الشعبين وكأنك فى بلدك اذا ذهبت الى سوريا ستجد حتى شكل الشوارع زى مصر
اما الجانب الأخر فعقدة النقص والسمو العقلى المصرى عامله عندهم مشكلة وهم للأسف الشديد اغنياء العرب اللى الواحد المفروض ينتظر منهم الكثير
عرفت بقى ليه انا بقول ان مش كامب ديفيد هى السبب يامحمد العرب متفرقين بكامب ديفيد او من غيرها سيبك من الأبتسامات والسلامات الدبلوماسية وانظر الى مافى داخل النفوس وانت تعرف
السلام عليكم
ازي حضرتك يا استاذ هشام؟ يا رب تكون بخير :) اولا حماقة النظام العراقي السابق مفيش عليها خلاف, بس يا تري من التراجع التكتيكي اننا نسمح للبارجات الامريكية تعدي من قناة السويس عشان تضرب ناس مسلمين؟ وارجوك ماتقوليش اتفاقيات دولية ومانقدرش نمنع مرورها كأن البارجات دي لو بتعدي من قناة السويس عشان تضرب الغردقة مثلا هنسمح لها باعتبار ان دي اتفاقات دولية, صدقني يا استاذ هشام الاتفاقات الدولية عبارة عن قوانين وضعت لتخرق, وبغض النظر عن اي اتفاقيات دولية طز في اي اتفاق يجبرني اشارك في المهزلة اللي موجودة في العراق دلوقتي, وماتقوليش احنا مالناش دعوة يا استاذ هشام احنا فتحنا قناة السويس وخدنا المقابل قمح ومنح وفلوس طبعا الشعب المصري برئ من المنح دي وكلنا عارفين بتروح فين, نيجي بقي لقصة فرقة العرب صدقني يا استاذ هشام سيبك بقي من الشريف حسين ولا صلاح الدين ولا الملك فاروق ولا عبد الناصر لو استثنينا صلاح الدين فكلهم ما كانوش ينفعوا وعلي الاقل عملوا اللي عليهم وحاولوا لكن كل اللي السادات عملوا ان فرق الامة العربية لما اجتمعت لاول مرة في تاريخها الحديث علي عدو واحد وحسوا بالامن لوجود قوة اقليمية وعربية في صفهم زي مصر بعد الانصار طبعا, كان الاستاذ هيكل ذكر في كتاب خريف الغضب ان كيسنجر سنة 1972 وصف السادات في محاضرة ليه بالبهلوان السياسي ومرة واحدة بعد حرب اكتوبر ومعاهدة السلام وصفه ببسمارك موحد المانيا (سبحان الله بسمارك اللي وحد المانيا من ولاية واحدة يشبهه بالسادات اللي فرق الامة العربية كلها) بس عادي ده كلام للاستهلاك الدبلوماسي بس مش مطلوب من اي حد يصدق الكلام ده وان كان كلام بيتقال في حق اي حد بيتجاهل مصالح بلده وبينفذ سياسات الامريكان ده عمل كمان اكتر من اللي هما حلموا بيه ما علينا الامة العربية كانت وقتها محتاجة يكونلها ضهر قوي تتسند عليه وبدل ما السادات يمارس مهارته الدبلوماسية مع العرب فضل يمارسها مع اسرائيل بالنسبة بقي للدول العربية وموقفها من مصر انا عشت طول عمري لحد تقريبا وانا في ثانوي مؤمن بالقومية العربية (ايماني الحالي بالقومية الاسلامية) وقتها كنت دايما فاهم ان الحكومات العربية هي اللي بتعيق الوحدة العربية عشان كل حاكم بلد خايف علي منصبه ووضعه وما الي ذلك لما بدأت ادخل علي النت واشوف اد ايه القذارة والسفالة اللي احنا فيها (طبعا انا اسف علي الالفاظ دي) مش بستثني من كلامي حد لا مصري ولا سعودي ولا كويتي ولا لبناني ولا اي حد, اللهم الا الناس المحترمة, استاذ هشام الواحد سمع شتايم من ابشع ما يكون وماكانتش موجهة لليهود ولا الامريكان وما الي ذلك, احنا كنا بننعت بعض بافظع النعوت وعلي كل المستويات, حسيت اننا بقر وخسارة فينا التكونولوجيا وان كل واحد فينا كان يربيله معزة ولا بقرة وشكرا علي كده وخلاص لا كومبيوتر ولا انترنت ولا بتنجان لحد ما قابلت ناس محترمة زي حضرتك يا استاذ هشام, بس صدقني كانت صدمتي كبيرة في شعوب فكرت انها تواقة للوحدة زي حالاتي كده, لقيت المشكلة مش بس في الحكومات لقيت اننا بنستمتع بالتهوين من شأن بعض واستغربت ازاي في ناس في الخليج بتنكر علي مصر عروبتها وبتقول علي سكان بلاد المغرب العربي بربر, ليه التخلف ده ياخواننا انتوا مسحتوا من ذاكرتكوا قرون من الوحدة واللغة والتاريخ وكل عوامل الوحدة اللي بتربطنا ببعض؟؟؟!!! سواء كان ده بسبب مركبات نقص او غيره اكيد الحكومات قايمة بدورها في زيادة النزعة العنصرية عند مواطنيها (لما بتكلم عن العنصرية مش بتكلم عن سكان دول تانية او قوميات مختلفةانا بتكلم علي ناس بتدين بدين واحد وليها خلفية ثقافية واحدة وتاريخ واحد وطبيعة جغرافية واحدة بتميز وبتسهل عملية الوحدة اسهل بكتير من بقية دول العالم الاسلامي) وكل دولة بتحاول تعزز الاحساس عند مواطنيها بانهم افضل من مواطني الدول التانية ولاننا بطبعنا كلنا بقر وبنعاني بشدة من اعلي درجات الغباء بنقع تحت تأثير الاعلام الحكومي اللي بيسعي بس للفرقة وزرع الفتنة بين اقطار العالم العربي والاسلامي, وسائل الاعلام العربية بتقوم بدور بث الفتنة بينا يمكن احسن ما اليهود كانوا بيعملوا كده, خلاص اليهود بطلوا يفرقوا بينا احنا عندنا الاستعداد للفرقة الاستكانة وبنستعذب الضعف وكوننا مغلوبين علي امرنا
الاخ الصديق محمد الملاح -
صباح الفل طبعا اعذرنى انى لااستطيع الرد الا فى ساعة الصبحية - بعد النسكافيه وقبل العمل عموما واضح يامحمد أن هناك شئ من الإلتباس بين مااكتبه انا كتحليل وبين مايصل اليك من مفهوم لهذا التحليل وهذا شئ طبيعى فى العديد من الحورارت ولاسيما حوارات بين الاجيال كما يقولون ولكن قبل كل شئ لايجوز باى حال من الاحوال استبعاد حقائق مثبته فى التاريخ لمجرد انى اتحمس لفكرة معينه وأنا هنا اقصد عندما دللت لك بمحاولات الوحدة - وانت قولت سيبك من الملك فاروق وجمال عبد الناصر .
لا مفيش حاجة اسمها سيبك دى حقائق للإثبات بمعنى اننى يجب ان أتعامل مع كل الحقائق بنفس القدر مش اللى يثبت كلامى ااكد عليه واللى مش مع كلامى اهمله ثانيا لابد يامحمد فى الربط بين الكلام بخيط متسلسل فانت تقول ان الوحدة العربية بعد الحرب كانت قويه ووو وانا حكيت لك قبل كده موضوع الميراج وخلافه وانت بنفسك اكدت بعض هذه المعلومات يبقى الإسهاب فى تناول الاحداث بصورة مرتبه يتطلب منا ان نربط بينها ثم هل يمكن ان تشرح لى مقهوم القومية ؟ نتكلم هنا بأسلوب علمى تقدر تشرحلى يعنى ايه قوميه ؟ طيب ايه الفرق بين القومية والوطنيه ؟ يعنى مثلا هل يجوز ان نطلق على عيد مثلا عيد قومى يعنى ساعات يقولك العيد القومى لمحافظة دمياط / المنتخب القومى المصرى ؟؟ ارجو منك ان تكتب تعريفا دقيقا للقوميه حتى نرى ان كان هناك مايسمى قومية ولا لأ ؟وحقولك حاجة تانيه بس لتصحيح المفاهيم انت تعيب على ان الناس بتقول على سكان المغرب العربى بربر وبتعتبرها شتيمه اولا البربر دى لغه ولغه قديمة وبتدرس فى مدارس المغرب والجزائر والبربر حضاره عريقه جدا ( يعنى مثلا واحد لقب عائلته الجحش يعنى ميبقاش جحش ) بس هى الحضارة اسمها كده وهذه الحضارة هى من مكنت موسى بن النصير ان يصل الى حدود الاطلنطى وهى من فتحت الاندلس وطارق بن زياد من البربر - شوفت بقى الإعلام المشوش بيودينا لفين - الجهلة بتوع النت بيعتبروها شتيمة وهما اصلا معندهمش حضارة تعادل حضارة البربر صدقنى يامحمد انا بقولك انى قاربت على الإنتهاء من كتابه كتاب اسميته - الأمة العربية واستراتيجية الفراق بين مفهوم القوى الشاملة وصراع الحضارات هذا الكتاب انا بتناول فيه بالحقائق العلمية مااكدته لك وبالمناسبة كتبت فيه تعريف الامه والقومية والفرق بين القومية والوطنيه - بس عايزك انت تبحث وتقولى لااريدك ان تنخدع بالشعارات - القومية والاممية والذى منه اصلا الدول العربية فى مجملها ليست دول بالمفهوم العلمى للدوله شوف ماتمر به الامه الإسلامية يسمى فى علم النفس بالنكوص - اى العودة للطفوله احنا حاليا فى مرحلة المخاض الاولى لنصبح دول تلك المرحلة التى مرت بها اوروبا فى القرون الوسطى يعنى الفرق الحضارى بيننا وبينهم نحو 300 سنه حضارة ( الحضارة لها ايضا تعريف ) مش كلمه صحفيه وبس صدقنى يامحمد القناعات التى تنادى بها هى المثاليه بعينها ولكن ممكن ان تحدث بعد 300 سنه من الان وانا لما بكتب رقم فانا اعنيه تمامام مش مجرد التدليل على بعد المسافة والزمن وافلاطون قد قالها مقوله ( ويل لمن سبق عقله زمنه ) يعنى اللى يفكر فكر سابق عصره له الويل والثبور وعظائم الامور وفى رأى الشخصى بعيدا ان اختلفنا او اتفقنا هذا ماحدث للسادات
الاخ اللي تشرفني صداقته الاستاذ هشام :)
صباح الورد مفيش اي مشاكل بالنسبة لتويت الرد, انا اللي اسف لان ردي احيانا بيتأخر,
انا لما قولت لحضرتك سيبك من الملك فاروق وعبد الناصر ما كانش قصدي استبعدهم انا قولت لحضرتك بس اني كنت بستثني صلاح الدين من الزمرة بتاعتهم دي بس انا قولت لحضرتك بعدها علي الاقل عملوا اللي عليهم وحاولوا (صدقني يا استاذ هشام سيبك بقي من الشريف حسين ولا صلاح الدين ولا الملك فاروق ولا عبد الناصر لو استثنينا صلاح الدين فكلهم ما كانوش ينفعوا وعلي الاقل عملوا اللي عليهم وحاولوا لكن كل اللي السادات عملوا ان فرق الامة العربية لما اجتمعت لاول مرة في تاريخها الحديث )
انا اسف لو كان الكلام دخل علي بعضه بس اطلاقا ما كانش قصدي اتجاهل اي حقيقة من اللي خضرتك ذكرتها بالعكس انا كان قصدي ااكدها بشكل او باخر انا بس لما كنت بقول عليهم ان هما ما كانوش ينفعوا وان هما كانوا بيسعوا لمصالح شخصية وخلافه خبيت اعزل صلاح الدين عنهم ليس الا, انا اسف علي سوء التفاهم ده :)
فعلا لازم ربط الحوار بخيط متسلسل وانا اسف ان كنت نقلت حيرتي انا عن الموضوع ده بس زي ما خضرتك قولت عن الميج والكلام التاني اللي انا ذكرته لحضرتك كلام مش مثبت (صدقني والله مش بحاول اشكك في مصداقية حضرتك) معاذ الله بس ايه الفرق بين الكلام المثبت وغير المثبت الكلام اللي بنقدر نثبته هو اللي بيقوم عليه النظريات والمواقف المختلفة حضرتك قولتلي الكلام اللي هقولهولك ده مالوش اثبات بس صدقني حصل وانا والله مصدق حضرتك جايز مش مصدق حوادث بتاعت سرب الطيران العراقي وغيره بس مصدق حضرتك فعلا بس عدم وجود اثبات بيدي انطباع ان ملابسات الموقف كانت غامضة, احنا مش عارفين بالظبط ايه اللي حصل وقتها, ومش عارفين برضه الاسباب اللي خلت السادات يقصف القرية الليبية (اللي انا مش فاكر اسمها) :) برضه معندناش ملابسات الموقف وتاهت في دهاليز الفوضي اللي كانت موجودة وقتها لكن انا بحكم علي وضع الوحدة دي من الخطابات اللي كانت متبادلة بين ياسر عرفات والسادات او السادات وحافظ الاسد واللي كانت بتبين اد ايه مصر عاملة زي كبير العيلة اللي لامم الصغيرين حواليه, انا مش كنت برمي كلام جزافا يا استاذ هشام, جايز في شئ من الحيرة بينتابني بسبب الحورات بتاعت اللي حصل بعد الحرب او اثناءها ده,
بالنسبة بقي للقومية هي حالة سياسية بتوصف مجموعة شعوب بيتميزوا بوحدة اللغة والتاريخ والدين والمصالح والمشاعر والميول والاتجاهات
الوطنية هي حالة سياسية بتوصف شعب اقليم معين او دولة معينة ومش شرط يكون فيه تجانس بين افراد الشعب لان فيه دول كتير متعددة القوميات بس بيجمعهم انتمائهم للدولة بتاعتهم, مش عارف انا عرفتهم صح ولا لا بس ده فهمي للمصطلحين دول, بالنسبة للعيد القومي معنديش تفسير ليها لكن بالنسبة للمنتخب القومي ما المنتخب بيمثل كل القوميات او الطوائف او الاقاليم اللي موجودة داخل القطر او البلد ف بيسمي منتخب قومي, انا مش عارف ايه الاسئلة دي يا استاذ هشام بجد :)
بالنسبة لموضوع سكان شمال افريقيا اولا انا مش بعيب علي كلمة البربر وعارف طبعا حضارة البربر او جزء من موروثهم الثقافي بس انا كان قصدي التمييز يا استاذ هشام يعني لما نيجي نقول مثلا علي سكان شمال افريقيا بربر ومصر فراعنة ودول الخليج عرب وايران فرس وتركيا اتراك وما الي ذلك يبقي فاضل ايه؟ الحضارة العربية الاسلامية لما قامت شارك فيها الفرس والترك او زي ما كان بيقولوا العرب زمان اعاجم ومحدش قالهم انتوا منين ومحدش ميز بينهم وبين العرب طبعا مع الاحترام لحضارتهم الاصلية وموروثهم الثقافي قبل الاسلام الحضارة العربية الاسلامية استفادت كتير من الموروثات الثقافية دي, انا ما قصدتش ان هي شتيمة او لا انا عارف طبعا البربر دول كان منهم بالاضافة لموسي بن نصير وطارق بن زياد يوسف بن تاشفين وكتير من المجاهدين محدش قال حاجة انا كنت بتكلم كمان علينا احنا كمصريين من ناحية التمييز هي دي اللي تعنيني, الأمة العربية واستراتيجية الفراق بين مفهوم القوى الشاملة وصراع الحضارات خلاص انا مستني الكتاب ينزل في السوق :) بس ارجوك ماتخلنيش استني كتير :)
حلوة النكوص دي :) 300 سنة :) انا مش شايفها مثالية ولا حاجة يا استاذ هشام انا بس اللي بيؤرقني في الموضوع راي بعض المشايخ او كلهم الحقيقة ان اليهود مش هيطلعوا من فلسطين غير بالمعركة بتاعت المهدي المنتظر انا بيركبني الهم كل مرة اسمع التصريحات دي, انا عارف مدي الضعف والهوان اللي احنا عايشين فيه دلوقتي بس لما بنردد الكلام ده الناس بتستسهل وتقول خلاص ماحنا جزء من ايماننا قصة المهدي المنتظر وتطهير ارض فلسطين من اليهود وما الي ذلك نسيبه هو يطهرها بقي, والطريقة دي في التفكير اخر حاجة احنا مختاجينها
كده يبقى احنا ياجميل وصلنا بعد طول مناقشات الى مربط الفرس انت خايف ان يكون موضوع المسيخ الدجال بقى والمهدى المنتظر .
طبعا انا هنا اضطر اقف لانى لاأعلم حقيقه هذا الموضوع هل هو فعلا عن قول سيد الخلق (ص) ولمن قاله ؟ وهل هناك آمهات كتب موثقه فى هذا الامر ؟ ام يكون الامر هو من الإسرائيليات التى دست فى كثير من السنه النبويه لإدخال الفكر الصهيونى شويه بشويه ( يعنى نوع من التايئيس مثلما قلت انت الان ؟ هذا الله اعلم ومن قال لا أعلم فقد افتى
اما مسالة القومية وتعريفها فاولا انا لااسئل اسئلة لك للإختبار لاسمح الله انا بس عايز اقولك ان ساعات الناس بتقول كلام زى موضوع العيد القومى والمنتخب القومى طيب القومية هى على فكرة مختلفة التعريفات ومنهم طبعا التعريف اللى انت قولته وهناك من يقول لأ القومية هى واحد بس من دول يعنى اما وحدة الدين او اللغه يعنى تستبدل و بـ أو وهناك من يعرفها بانها وحدة الهدف يعنى ليها تعريفات والغرض من كده ان موضوع القومية دا موضوع نظرى بحت ليه بقى لانه كان يصلح زمان ايام الفروسية
اما اليوم فان مايربط الامم هو المصلحة وليس القومية اوروبا اتحدت بدون قومية ولكن لان المصالح مشتركة
اعدى قوميات فى اسيا هى اليابانيه والجيرمانية ( الروسيه ) طرحو خلاافاتهم جانبا حتى حول جزر الكوريل وبدؤا فى انشاء طريق الحرير والتعاون الإقتصادى
بمعنى اخر يجب ان نطرح جانبا هذه الشعارات ولنبحث عن المصالح المشتركة فقط ليس الا .صدقنى اننا ندور فى حلقة مفرغه او بمعنى ادق نُدار فى حلقة مفرغه والفرق بين الإنسان و( اى كائن اخر ) ان الغنسان يستقى ويستفيد من التاريخ
اما الكائنات الاخرى ( اللفظ المهذب ) فلاتستفيد والفأر يظل دائما وابدا فريسه للقط لكن لو عرف ان تاريخ القط واللإر ليس فى صالحة لما استطاع قط ان يصطاد فأرا ( ولاسيما فى زمن الإنترنت )
عندى بقى خدمه اطلبها منك
ياريت تسأل لى عن كتاب أو مجموعه كتب اسمها الهيروغليفيه فى تفسير القرآن تأليف الدكتور /سعد عبد المطلب العبد واكون شاكر ليك هى فى مكتبه مدبولى عايز اعرف سعرها واذا كانت متوفرة ولا بالطلب
صدقني يا استاذ هشام حتي لو القصة قصة المههدي المنتظر والمسيخ الدجال انا بس مش عاجباني السلبية دي واللي بشوف كتير من الشيوخ بيتعاملوا بيها كأنهم شايفين الوضوع وعارفين ان الجهاد هو السبيل الوحيد لتحرير ارضنا وخايفين او وجلين من انهم يعترفوا بالحقيقة, بس تأثيرهم بقي ان الناس بتكبر دماغها اكتر ما هما مكبرين او جايز انا رافض اننا نبقي متفرقين واحنا بندين بديانة جمعت العالم كله من شرقه لغربه لشماله لجنوبه, او جايز اني رافض الاستضعاف اللي احنا عايشين فيه ده, او ....
انا مش عارف بس القضية دي بتحبطني وبتجيبلي اكتئاب, انا معاك ان افضل تفسير حالي للقومية هو اتحاد المصالح وطبعا الدليل الدامغ هو الودة الاوروبية زي ما حضرتك ذكرت, ةصلحتنا الوحيدة يا استاذ هشام هي اللي حضرتك بتقول عليعا اغراق في المثالية وهتتحقق بعد 300 سنة انا فاهم مبررات حضرتك اللي خلتك تذكر الرقم ده وان كنت مش عارف طبيعة حسابات حضرتك اللي عملتها وطلعتلك الرقم ده, بس هو كارثة باي حال من الاحوال يعني, هو ده اللي احنا بنقوله يا استاذ هشام الحكمة اللي بتتقال من ايام سيدنا قادم ان الاتحاد قوة والفرقة هي الضعف بعينه واللي كلنا حافظينها وبنحب نكررها من باب التظاهر بالحكمة
بس كده حضرتك تؤمر يا استاذ هشام اديني بس يوم او اتنين بالكتير وهرد علي حضرتك ان شاء الله
لشكرك يامحمد على اهتمامك اما بالنسبة لسؤالك انا حسبت ال300 سنه ازاى اقولك انا زى ماقولت لك سابقا احنا فى مرحلة مخاض تشبه ماكان الاوربيون عليه ابان فترة الثورة الصناعية من زخم فوضوى بين اصحاب الأعمال والأقطاعيين وبين طبقة العمل استمر لمده مايقرب من 100 سنه حتى ملامح النظم السياسية تظهر فى صورة احزاب تتمثل فى اتجاهين احزاب تدافع عن مصالح الأغنياء مثل المحافظين فى انجلترا واخرى تدافع عن طبقه العمل مثل حزب العمال واستمرت هكذا 100 سنه اخرى حتى تولى الحكومه البريطانيه حزب العمال فحدث اول تداول للسلطة فى هذا التوقيت وبدأت لغة المصلحة الوطنيه تغلب على لغة المصلحة الطبقية ثم بعد 100 سنه ثالثه بدأت تظهر الى الأفق المصلحة المشتركة بعد الحرب العالمية الثانية والوحدة الإقتصادية بن اوروبا متمثلة فى اتحاد الحديد والفحم عام 1957 اى بعد الحرب العالمية الثانية ومن هنا بدات الدول الاوروبية تغلب لغة المصلحة عن لغة القومية هى دى ياسيدى ال 300 سنه احنا بقى مازلنا فى مرحلة الفوضى والدكتاتورية والمصلحة الطبقية التى هى فوق المصلحة الوطنية
مفيش اي داعي للشكر, ان شاء الله هرد علي حضرتك في اقرب فرصة, بالنسبة بقي لل 300 سنة احنا لازم نمشي علي نفس الخطي اللي هما بيمشوا عليها؟ افتكر تشبيه حضرتك لينا بالتعبير المهذب ( الكائنات التانية ) كان موفق الي حد بعيد
استاذ هشام انا بجد اسف, انا عارف انك جايز تكون زعلان مني, او يمكن كمان بتقول عليا ندل بس والله العظيم انا روحت القاهرة مرة وكانت المكتبة مقفولة (كان في حادثة علي الطريق والطريق كان واقف وصلت متأخر), الفترة اللي فاتت حصل شوية قلق كده سامحني والله كان غصب عني اني اتاخر عليك, علي العموم انا قريت في اخر موضوع دلوقتي ان حضرتك في القاهرة, حمد الله علي سلامة حضرتك, علي العموم الكتاب خلص من حوالي اسبوعين, وبعد اسبوعين تقريبا هتنزل الطبعة الجديدة منه, الكتاب ب 25 جنيه, انا بكرر اسفي, وبجد ياريت تسامحني
إرسال تعليق